“Nga errësira lindi shpresa”, zëri i UÇK-së jehon në Shkup për drejtësi скачать в хорошем качестве

“Nga errësira lindi shpresa”, zëri i UÇK-së jehon në Shkup për drejtësi

Shkupi është mbushur sot me flamuj kuqezi, teksa qindra shqiptarë nga Maqedonia e Veriut, Kosova dhe Shqipëria janë mbledhur në sheshin “Skënderbeu” për të marrë pjesë në protestën në mbështetje të ish-krerëve të Ushtrisë Çlirimtare të Kosovës që po gjykohen në Hagë. Protesta u thirr nga organizatat e veteranëve të UÇK-së dhe përbën tubimin e pestë radhazi, pas atyre të zhvilluara më herët në Prishtinë, Tiranë, Strasburg dhe Hagë. Me pankarta, simbole kombëtare dhe thirrje për drejtësi, pjesëmarrësit shprehën solidaritetin e tyre me të akuzuarit. Protesta ka nisur me himnin kombëtar dhe ka vazhduar me mbajtjen e fjalimeve nga ana e ish-veteranëve të UÇK-së. Sipas raportimeve, shumë qytetarë udhëtuan drejt Shkupit që në orët e para të mëngjesit, duke kaluar pikëkalimet kufitare me flamuj dhe pankarta. Disa prej tyre deklaruan se kanë marrë pjesë në të gjitha protestat e organizuara deri më tani. Në protestë marrin pjesë edhe figura të njohura politike dhe publike, mes tyre Fatmir Limaj, Hysni Gucati, Ali Ahmeti, si dhe vëllai i ish-presidentit Hashim Thaçi, i cili po përballet me proces gjyqësor në Hagë. Nga Organizata e Veteranëve të Luftës së UÇK-së është bërë e ditur se protesta është paqësore dhe ka për qëllim vetëm kërkesën për drejtësi për ish-krerët e UÇK-së, duke theksuar rëndësinë e respektimit të luftës çlirimtare të popullit shqiptar. SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/kategoria/klan-news/ Follow Klan News on Facebook:   / klannews   Follow @klannews on Instagram:   / tvklannews   #KlanNews #KlanNewsLajme #TvKlan