အမေရိကန်ရဲ့ အရက်စက်ယုတ်မာဆုံး ရာဇဝတ်ကောင် - Ted Bundy - Murder Monday - скачать в хорошем качестве

အမေရိကန်ရဲ့ အရက်စက်ယုတ်မာဆုံး ရာဇဝတ်ကောင် - Ted Bundy - Murder Monday -

အမေရိကန်နိုင်ငံရဲ့ သမိုင်းကြောင်းမှာ Bonnie နဲ့ Clyde ကို မသိတဲ့သူ မရှိကြသလိုပဲ အဲ့လိုအခြေအနေမျိုးထိ နာမည်ကြီးတဲ့ ရာဇဝတ်သားတွေ တော်တော်များများရှိပါတယ်။ အဲ့ဒီအထဲကမှ Ted Bundy ရဲ့ အကြောင်းကို ပြောပြချင်ပါတယ်။ Ted Bundy အကြောင်းကို စကားသုံးလုံးနဲ့ပဲ ဖော်ပြပါဆိုရင် သူ့ရဲ့ နှစ်လိုဖွယ်အသွင်အပြင်နဲ့ လှည့်စားတတ်တဲ့သူ၊ အကွက်ကျကျ အစီအစဉ်ချပြီး အမှုတွေဆက်တိုက်ကျူးလွန်တဲ့သူ နဲ့ ရက်စက်ကြမ်းကြုတ်စွာ ဇီဝိန်ခြွေသူ လူသတ်သမား လို့ ခေါ်ရမှာဖြစ်ပါတယ်။ နာမည်ဆိုးနဲ့ ကျော်ကြားတဲ့ ကွင်းဆက်လူသတ်သမားတစ်ဦးဖြစ်သလို အမျိုးသမီးတွေကို လိင်မှုရေးရာ အနိုင်ကျင့်အမြတ်ထုတ်သူ တစ်ဦးလည်း ဖြစ်ပါတယ်။ ၁၉၇၀ ခုနှစ်ဝန်းကျင် တွေမှာ အမျိုးသမီးငယ် ပေါင်း အယောက် ၂၀ ကျော်ကို အသက်ဇီဝိန်ခြွေခဲ့တယ်ဆိုပြီးတော့ ပြောကြပေမယ့် သူ့ရဲ့ ဖွင့်ဟ ဝန်ခံချက်အရဆို ၃၆ ကို အသက်ခြွေခဲ့တယ်လို့ဆိုပါတယ်။ ဒါပေမယ့် တကယ်တမ်းလက်တွေ့မှာ သူ့လက်ချက်ကြောင့် ကွယ်လွန်ခဲ့ရသူပေါင်း အယောက် ၁၀၀ ကျော်ရှိမယ်လို့ ခန့်မှန်းကြပါတယ်။ အဲ့ဒီတော့ Ted Bundy ရဲ့ ဘဝအကြောင်းအချက်အလက်တွေ၊ သူကျူးလွန်ခဲ့တဲ့ မှုခင်းတွေနဲ့ သူ့ကို ဘယ်လို ဖမ်းမိခဲ့ပြီး ဘယ်လို တရားစီရင်ခဲ့တယ်ဆိုတဲ့အကြောင်းတွေကို တင်ဆက်ပေးသွားမှာ ဖြစ်ပါတယ်။ Ted Bundy ရဲ့ နာမည် အပြည့်အစုံက Theodore Robert Bundy ဖြစ်ပြီးတော့ သူ့ကို နိုဝင်ဘာလ ၂၄ ရက်နေ့ ၁၉၄၆ ခုနှစ်မှာ မွေးဖွားခဲ့ပါတယ်။ ကျွန်တော်တို့ မြန်မာနိုင်ငံတောင် လွတ်လပ်ရေး မရသေးဘူးပေါ့နော်။ သူ့ကို အမေရိကန်နိုင်ငံက Burlington Vermont မှာ မွေးဖွားခဲ့တာ ဖြစ်ပါတယ်။ သူ့အမေနာမည်က Eleanor Louise Cowell လို့ ခေါ်ပါတယ်။ Ted Bundy ကို ကိုယ်ဝန်ဆောင်ခဲ့တဲ့ ကာလတစ်လျှောက်လုံးနဲ့ မွေးဖွားပြီးတဲ့အချိန်ထိ သူ့အဖေနာမည်က ဘယ်သူဆိုတာ သူ့အမေက ဘယ်သူ့ကိုမှ မပြောဘဲ လျှို့ဝှက်ထားခဲ့တာ ဖြစ်ပါတယ်။ အဲ့ဒီခေတ်အခြေအနေအရ လက်မထပ်ထားဘဲ ကိုယ်ဝန်ဆောင်တယ်ဆိုတာ ရှက်စရာ ကိစ္စကြီး တစ်ခုလို့ မြင်တာကြောင့် သူ့အမေဟာ မင်္ဂလာမဆောင်ထားတဲ့ အမျိုးသမီးတွေအတွက် သီးသန့် ဖွင့်ထားတဲ့ ဂေဟာတစ်ခုမှာ သူ့ကို မွေးဖွားသန့်စင်ခဲ့တာ ဖြစ်ပါတယ်။ Ted Bundy ဟာ အဖေနာမည်မပေါ်ဘဲ မွေးထားတဲ့ ကလေးမှန်း သူ့အဘိုးအဘွားတွေက လူသိ မခံချင်တော့ သူတို့ မြေးလေးကို သူတို့မွေးစားသားအနေနဲ့ မွေးစားခဲ့ပြီးတော့ သူ့အမေကို သူ့အစ်မအဖြစ်နဲ့ပဲ ထားခဲ့တာဖြစ်ပါတယ်။ သူတို့သားအမိနှစ်ယောက်သား အဘိုးအဘွားတွေနဲ့ သုံးနှစ်လောက်နေခဲ့ပြီးတော့ ဆွေမျိုးတွေရဲ့ ဝိုင်းဝန်း တိုက်တွန်းမှုကြောင့် ၁၉၅၀ ခုနှစ်ထဲမှာ Burlington, Vermont ကနေပြီးတော့ Tacoma, Washington ကို ပြောင်းပြီးတော့ Tacoma မှာရှိတဲ့ ဆွေမျိုးတွေနဲ့ သွားနေခဲ့ပါတယ်။ အဲ့လို နေတဲ့အခါမှာ သူ့အမေက သူ့ကိုပါ တပါတည်း ခေါ်ခဲ့တာ ဖြစ်ပါတယ်။ သူ့အမေဖြစ်သူက အဲ့ဒီကိုရောက်ပြီး သိပ်မကြာပါဘူး။ ဆေးရုံတစ်ခုမှာ စားဖိုမှူး အလုပ်လုပ်တဲ့ Johnny Bundy ဆိုတဲ့ အမျိုးသားတစ်ယောက်နဲ့ တွေ့ဆုံပြီး ချစ်ကြိုက်သွားကြ ပါတယ်။ ၁၉၅၁ ခုနှစ်မှာ တရားဝင်လက်ထပ်ကြပြီးတဲ့အခါမှာ Johnny က Ted ကို သူ့သားအဖြစ် တရားဝင် မွေးစားခဲ့ပါတယ်။ အဲ့ဒီအတွက် သူ့နာမည်က Ted Bundy ဖြစ်သွားတာပေါ့လေ။ သူ့အမေက နောက်အိမ်ထောင်နဲ့ ကလေး ၄ ယောက် ထပ်ရတယ်လို့ ဆိုပါတယ်။ သူ့ရဲ့ ပထွေးဖြစ်သူက သူ့ကို မွေးစားသားဆိုပြီးတော့ ခွဲခြား ဆက်ဆံတာမျိုးမလုပ်ဘဲနဲ့ ကောင်းကောင်းမွန်မွန်ပဲ ဆက်ဆံတယ်တဲ့။ ပြီးတော့ သူတို့ နောက်ပိုင်းရတဲ့ ကလေးလေးတွေနဲ့ ခရီးတွေ ဘာတွေ သွား ပျော်ပွဲစားတွေ ထွက်တဲ့အချိန်တိုင်းမှာလည်း Ted ကို ခေါ်လေ့ခေါ်ထရှိပေမယ့် Ted က သူ့ပထွေးဖြစ်သူကို တော်တော်သဘောမကျဘူးလို့ဆိုပါတယ်။ အကြောင်းက ဒီလူက ပညာအရည်အချင်းကလည်း မရှိ၊ ပြီးတော့ အလုပ်ကြမ်းသမားဖြစ်တော့ ပိုက်ဆံလည်း ကောင်းကောင်းမရှာနိုင်ဘူးပေါ့။ ပြီးတော့ ဒီလူက သူ့အဖေအရင်းမဟုတ်တာကိုလည်း သိတော့ သဘောမကျဘူးပေါ့လေ။ #myanmar #storybears #storybearsmm #မှုခင်း #ဖြစ်ရပ်မှန်