StarTalk一氣呵成版丨楊丞琳分享向林家謙邀歌經過 難忘演唱會上收利是捐作慈善 скачать в хорошем качестве

StarTalk一氣呵成版丨楊丞琳分享向林家謙邀歌經過 難忘演唱會上收利是捐作慈善

StarTalk一氣呵成版丨楊丞琳分享向林家謙邀歌經過 難忘演唱會上收利是捐作慈善 相隔七年再嚟到香港舉行演唱會嘅 楊丞琳Rainie ，5月將會帶埋佢嘅巡迴演唱會嚟到香港，呢日佢上到嚟《StarTalk》，同主播 許文軒 講下佢今次香港站嘅巡演，會有咩專屬福利帶畀香港嘅歌迷。 Rainie指香港對佢嚟講係一個好親密嘅地方，同香港嘅fans亦都好近，所以如果無辦法將今次巡演帶到嚟香港，佢會覺得好可惜同難受，Rainie表示知道過去幾年，有唔少香港fans為咗睇佢嘅巡演，專登飛去唔同地方睇騷，心疼fans為佢花咁多錢。 呢次為巡演擔任總策劃，Rainie坦言個騷入面有唔少佢嘅idea，提到演唱會中除咗有勁歌熱舞外，仲會有一part藝術成份極高嘅舞蹈，Rainie就話因為以前自己學嘅舞蹈比較傳統，所以佢今次特別邀請咗一位中學同學幫佢做咗一個現代舞嘅呈現，當中有啲藝術性，又有啲劇場實驗性，係呢次演唱會入面頗重要嘅一環，所以Rainie提醒大家到時要好好享受呢個沉浸式嘅音樂劇場。 為咗今次巡唱，Rainie笑言自己以「變態式」地keep fit，五年嚟每日都係食一餐，雖然要斷食22小時，但佢話已經習慣咗。除咗飲食上要注意外，Rainie話健康方面都好着重，出門在外一定會戴口罩，平日一星期都會做兩至三次運動。 提到香港站嘅專屬福利，Rainie表示一定會唱廣東歌，當中有一首更加係未曾喺香港舞台上演唱過嘅，對於呢首由林家謙作曲嘅《我不認識你》，Rainie話當初係自己主動DM對方，表示好鍾意對方嘅作品，Rainie話當時家謙都被嚇親，經過一番交流後，家謙就推薦Rainie唱廣東歌，所以先有呢首作品出現，而Rainie亦覺得無論係作為送畀自己嘅禮物，定係送畀香港fans嘅禮物，呢首歌都係大家一個好重要嘅連結。 雖然廣東話退步咗唔少，但Rainie都堅持以廣東話接受訪問，佢話而家講廣東話其實比以前進步咗，而家睇幾個字就會知應該要發咩音，但以前一定要睇拼音先得。 眨吓眼就已經出道25年，Rainie話好多經歷就好似噚晚發生嘅一樣，曾經有歌手指，因為每次出騷都要唱自己大熱嘅歌而感到厭倦，但Rainie話自己從來唔會因為要重複唱呢啲歌好多次而厭煩，因為佢覺得呢啲歌都係喺度記錄佢嘅青春同經歷。至於講到呢25年嘅難忘經歷，Rainie就話有人同佢講喺香港開演唱會會收利是，當時佢開演唱會嘅時候，頭場冇預過呢個情況，所以收完大家嘅利是冇地方放，去到第二次導演畀個袋佢，佢先可以擺好啲利是，而過後佢就將呢啲祝福捐咗去救助流浪動物，同大家一齊做善事。 至於講到今年嘅工作安排，Rainie表示將會推出新專輯，佢指雖然呢張專輯籌備咗成5年，但因為自己精益求精，可以話出嚟嘅作品都係最用心㗎！ #StarTalk #一氣呵成版 #楊丞琳 #巡迴演唱會 #總策劃 #廣東話 #粵語 #我不認識你 #林家謙 #邀歌 #舞蹈 #音樂劇 #利是 #做善事 #救助流浪動物 #現代舞 #廣東歌 #青春 #經歷 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0