Францішак Багушэвіч. "Мая дудка" скачать в хорошем качестве

Францішак Багушэвіч. "Мая дудка"

Францішак Багушэвіч. "Мая дудка". Літаратура "Беларуская". 09 клас. Відэа і чытанне тэкста - Мікалай Кійка. Літаратура - YouTube. Франтишек Богушевич. "Моя дудка". Белорусская литература. 09 класс. Видео и чтение текста - Николай Кийко. Тэкст: "Мая дудка. Эх, скручу я дудку! Такое зайграю, Што ўсім будзе чутка Ад краю да краю! Ой! то будзе гранне, Як на павітанне І як на васэле, Нядоўга тыкеле*: Прэндка скончу песні... Покі дудка трэсне, Ці паглохнуць людзі, Ці высахнуць грудзі, Сілы надарвуцца На радаснай дудца, І выцякуць слёзы На сухія лозы... Выйдзе душа парай, Падымецца з хмарай, Туманом па рэчца, Расой разліецца, Каласочкі зрося, Каб жыта ўдалося. А хлеб з'ядуць люддзе, І зноў сляза будзе. Ну, дык грай жа, дудка, Каб жа была чутка, Каб аж вушы драла; Каб ты так іграла, Каб зямля скакала! Заграй так васола, Каб усе у кола, Узяўшыся ў бокі, Ды пайшлі у скокі, Як віхор у полю - Аж выючы з болю, Каб аж рагаталі, А усё скакалі... Каб скакалі горы, Як фаля на моры, Як паны на балі, - Каб вот як скакалі! Каб аж пыл курыўся, Каб свет заваліўся Ды усё круціўся, Як у нашага брата У п'янога хата... Га! Чаму ж не граеш? Хіба ты не знаеш, Не ведаеш хіба, Што, як тая рыба Ды на лёдзе б'ецца, Так вот я, здаецца, Сорак гадоў б'юся, Ніяк не звярнуся, Ніяк не натраплю Вадзіцы хоць каплю, Ды такой вадзіцы, Ды з такой крыніцы, Што як хто нап'ецца, Дык вольным стаецца. Грай, васола грай Альбо долю дай!... .............................. Тэкст паводле: "Францішак Багушэвіч. Творы. Мінск. "Мастацкая літаратура". 1998"