Chin Christian Council in Australia (CCCA) Promo скачать в хорошем качестве

Chin Christian Council in Australia (CCCA) Promo

Chin Christian Council in Australia, CCCA tiah a tawinak in kan auhmi a voi 2 nak Conference pi cu Australia ram i khualilip Melbourne khua ah tuah a si cang lai. Hi Conference pi cu Victorian Chin Baptist Church (VCBC) nih intek a tuan lai. A ralaimi January 23-25, 2015 tiang tuah a si lai i a hmun cu Oxley Christian College, Chirnside Park ah tuah a si lai. Na rat ve ding ah kan in sawm. Rat zong a phu ko, ziah ti cun Australia ummi Chin Khrihfabu 17 fonh i an umnak a si i chungtel dihlak 4500 tluk an si. Hi conference pi ah Choir Zuamnak: A um lai. Solo zuamnak zong a um lai? Choir zuamnak cu Hniang Ceu Ling nih a phuahmi a si i solo zuamnak cu Pu Herh Lian nih a phuahmi asi. Hi conference ahhin Delegate Assembly meeting pi zong an tuah lai. Niruk ni cu Mino hna nih caan an lak lai i nuam taktak in Pathian thangthatnak in caan an hmang lai. Hi Civui ah a ropui kho takmi cu Praise and Worship Team pawl an si. An i timhtuahning a tha taktak. Hlasak thiam Dawt Hlei Hniang le VCBC Praise and Worship Team an si lai i hlathar zong tampi an kan sakpiak lai. Na rat hrimhrim dingah kan in sawm. Meting kaidingmi pawl phakni: 22 January 2015 Civui Zawhding pawl phakni: 23 January 2015 Meting tuahni, January 23, Civui Ni January 24-25 Ra hrimhrim te: Jesuh he nan i ton lawng i Pathian lian ngannak na hmuh lai. Civui Tlangtar: Pumkhat kan si khawhnak hnga?