Berisha: Rama bllokon reformat nga frika e statusit, Zoti i ruajt shqiptarët nga ai-(27 Shkurt 2012) скачать в хорошем качестве

Berisha: Rama bllokon reformat nga frika e statusit, Zoti i ruajt shqiptarët nga ai-(27 Shkurt 2012)

Lajme Arkiva 2012 Kryeministri Sali Berisha akuzoi kryetarin e Partisë Socialiste se po pengon reformat duke fshehur pas qëllime politike që lidhen me ambicien e vendit për statusin kandidat në Bashkimin Europian. Zoti Berisha përmendi një shprehje të Faik Konicës për të ilustruar qëndrimin e kryesocialistit që për interesa personale vë në rrezik interesat e vendit. Sali Berisha: “I bllokon reformën sepse ka frikë se mos merret një vlerësim pozitiv për statusin. Unë ia kam thënë në mënyrë të përsëritur atë që thotë Faik Konica: “Zoti ruajt Shqipërinë nga shqiptarët”. Faik Konica s’ka pasur kurrë parasysh popullin shqiptar, ka pasur parasysh individë të tillë. Sigurisht vetë bërtet, vetë bllokon. Vetë bllokon, vetë bërtet”. Kryeministri u ndal fillimisht tek reforma parlamentare dhe kërkesa antikushtetuese siç tha për t’i kufizuar në 10 minuta fjalën kryetarit të qeverisë. Një kërkesë në paradoks me çdo kushtetutë të çdo vendi tjetër demokratik siç tha kryeministri. Sali Berisha: “Tani zoti Rama duke përceptuar qartë se shqiptarët nuk e kanë ndërmend ta bëjnë ndonjëherë kryeministër, atëherë mendon se zgjidhja është t’i shkurtojë kohën kryeministrit. Kjo është qesharake. Ai nen i Kushtetutës është vendosur nga mazhoranca socialiste dhe nuk është prekur as në reformë. Nuk është mëkat i Kushtetutës që i jep kryeministrit si çdo Kushtetutë tjetër fjalën kur ai do të flasë në Parlament. Nuk është mëkat i shëiptarëve që e kanë nxjerrë tërësisht në pension politik për sa i përket detyrës së kryeministrit. Është problem i zotit Rama”. Po aq absurde për zotin Berisha tingëllon dhe kërkesa e socialistëve për të rikthyer në fillim 60 minutat e diskutimit të lirë, një propozim që siç tha tenton vetëm bllokimin. Kryeministri tha se një gjë e tillë nuk mund të ndodhë. Ai kujtoi dhe vlerësimet në raportet ndërkombëtare që ka marrë ky ndryshim në rregulloren e Kuvendit. Një logjikë kryeministri ruajti edhe gjatë trajtimit të çështjes së mënyrës së votimit të deketeve. Opozita kërkon rikthimin e votimit të fshehtë, por zoti Berisha tha se dekretet janë ligjore dhe si të tilla votohen hapur. Këtij arsyetimi zoti Berisha i shtoi konstatimin se me urdhër të kryesocialistit, Partia Socialiste ka prishur kushtet e marrëveshjes politike lidhur me reformat. Sali Berisha: “Me porosi të tij po në rregulloren e Parlamentit sollën të gjitha propozimet që nuk ishin pranuar para nënshkrimit të marrëveshjes dhe që vetë socialistët pranuan të heqin dorë prej tyre kur firmosën marrëveshjen”. Me reformën zgjedhore kryeministri akuzoi kryetaren e Partisë Socialiste se po manipulon opinionin me deklaratat e tij. Sali Berisha: “Nuk kanë paraqitur qoftë edhe një amendament të vetëm që nuk është shqyrtuar. Gjer më tani kanë propozime vetëm dënime, dënime, dënime. Pa diskutim që do të ketë penalitete, por si mund ta dënosh tjetrin ti për një fletë votimi 8 vjet burg, por të kërkosh ti tani ti e turpëron vendin. Dënime 7-8 vjeçare i bën të pazbatueshme, megjithatë i kemi pranuar”. Pasi paraqiti qëndrimin e mazhorancës që drejton lidhur me reformat kryeministri tha se fatmirësisht Opozita mund të bllokojë vetëm ato që kërkojnë shumicë të cilësuar, por jo çështje që lidhen me zhvillimin e vendit. Sali Berisha: “Je i vetmi, i vetmi në historinë e Ballkanit dhe të Europës që bllokon reformat që duhen për integrimin e vendit, por kjo është çështje e tij me elektoratin. Janë fatlum shqiptarët që ky s’mund të bllokojë. Eshtë pa peshë për sa i përket rrogave dhe pensioneve të tyre”. Kryeministri ritheksoi angazhimin e mazhorancës për të bashkëpunuar me Opozitën për një reformë parlamentare që reflekton rregulloren e Parlamentit Europian apo një reformë zgjedhore bazuar kryekëput në rekomandimet e OSBE Odiri./tvklan.al SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni n\u00eb faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t\u2019i ndiqni edhe n\u00eb faqen https://tvklan.al/programe/