Beso -Vaso Papaj скачать в хорошем качестве

Beso -Vaso Papaj

Beso Beso, beso në dashurinë time, Beso në një mik të vërtetë. Beso tek sytë që lëshojnë vezullime, Ku s’gjete kërkund një sekret. Beso në të shkuarën që me dimrin ngërthehej, Beso në ditën e festës sonë. Kujto atë dorë, që përkëdhelte e dehej, Drithërimë në kohë me demonë. Atëherë do të kujtosh fjalët e mia, Fjalët e mia të thjeshta. Po s’do t’jem unë, do të jetë dashuria Dhe zemra me rrahje të shpeshta. Beso në lotët e një fëmije, (Besomë, janë vërshime kristali.) Beso triumfin mbi frikëra e trishtime, Përbuzjen kur vdes ideali. Beso dashurinë që kërkon dashurinë. (Nga Zoti dhuratë, më e zjarrta.) Mos harro kurrë gënjeshtrën, hipokrizinë Që mbjellin veç netë të acarta. Atëherë do t’i njohësh ti ndjenjat e mia, Ato që s’i zverdhi dot vjeshta. S’do të jesh vetëm ti, me ty dashuria, Zemra me rrahje të shpeshta.