[兒童聖經故事] 掃羅悔改歸主 (廣東話) скачать в хорошем качестве

[兒童聖經故事] 掃羅悔改歸主 (廣東話)

Original picture can be found in https://www.freebibleimages.org/illus... Contributed by Sue Bentley Under Creative Commons Attribution-ShareAlike 3.0 Unported License. 掃羅悔改歸主。 掃羅係一個猶太嘅法利賽人，佢四處捉拿相信耶穌嘅人。佢認為嗰一啲信耶穌嘅人都係錯誤嘅，阻止佢地談論耶穌會令上帝喜悅。有一日，佢去聖殿搵大祭司，要一份聖徒嘅名單。佢要將佢地帶到耶路撒冷，捉佢哋去坐監。 一啲相信耶穌嘅人住喺一個叫大馬士革嘅城市。於是掃羅前往嗰度逮捕佢地。 掃羅同佢嘅手下快要到大馬士革，突然從天上有強光照喺佢地身上。掃羅跌咗喺地上。 佢聽到一個聲音講：“掃羅，掃羅，你為乜嘢要迫害我？” 掃羅問係邊個同佢講緊野。 “我就係你所迫害嘅耶穌，起嚟，進城去， 會有人話俾你知你要做啲乜。” 掃羅服從。同佢一齊嘅人聽到聲音，但卻冇睇到任何人。 掃羅企起身，睜開眼睛，但已經盲咗。跟住佢嘅人只好拖住佢隻手入城。 佢喺大馬士革嘅一間房子住咗三日三夜，冇食嘢又冇飲嘢，亦都睇唔見嘢。 城入面有個信耶穌嘅人，名叫亞拿尼亞。上帝喺異像中向佢展示掃羅所住嘅地方，掃羅正在祈禱。亞拿尼亞聽到係掃羅就好害怕。呢個就係迫害聖徒、將聖徒關進監獄嘅嗰個人？但上帝向亞拿尼亞解釋，佢有偉大嘅工作要掃羅去做。 當亞拿尼亞走到掃羅家時，佢將隻手放喺掃羅頭上，話俾佢聽佢係耶穌派佢嚟嘅，咁佢先可以睇得返嘢。掃羅立刻睇得返，而且被聖靈充滿。 掃羅好高興上帝俾佢一個使命。佢要同每個人分享耶穌嘅福音。然後佢受洗，食咗一啲食物後，佢感覺更強壯。 過咗冇耐，掃羅拜訪城入面嘅其他聖徒，並到會堂入面向佢地講述上帝兒子耶穌嘅事。大家都好驚訝，因為掃羅曾經係聖徒嘅敵人，但依家掃羅話，佢亦都相信耶穌係世界嘅救主。 然而，並唔係每個人都鍾意掃羅，有啲人想殺死佢。掃羅知道佢地嘅計劃，佢嘅門徒就喺晚上用大籃子將掃羅從城牆上送下去。 掃羅逃跑後，佢返到去耶路撒冷同使徒會面，話俾大家聽佢依家同佢地一樣係耶穌嘅門徒。大多數人都好害怕，因為掃羅過去曾逮捕過佢地。但另一位門徒巴拿巴說服佢地，同佢地講掃羅喺大馬士革發生嘅事，使徒最後都接受咗掃羅。依家上帝對掃羅嘅計劃可以開始。從今以後，佢唔再叫掃羅，而係叫保羅。