के 'मोदीको हार' पछि नेपालसंग बिग्रिएको भारतीय सम्बन्ध सुधारिएला ? скачать в хорошем качестве

के 'मोदीको हार' पछि नेपालसंग बिग्रिएको भारतीय सम्बन्ध सुधारिएला ?

संविधानको नाममा सातौ पटक शपथ ग्रहण गरेका भारतीय प्रधानमन्त्री नरेन्द्र मोदीले तेश्रो चोटी प्रधानमन्त्री पद ग्रहण गरेपनि यसपालिको चुनावमा उनको नेतृत्वमा रहेको भाजपा नराम्ररी हार्न पुगेकोछ । दुई तिहाई लिई संविधान संशोधन गरि 'हिन्दु राष्ट्र घोषणा र आरक्षण प्रणाली संशोधन' गर्ने भाजपाको माउ संगठन राष्ट्रिय स्वंयसेवक संघ (आरएसएस)को नीति चकनाचूर हुनपुगेकोछ । त्यसैले मोदी सत्तासीन भएपनि यो उनको जित नभई 'करारा' हार हो भनि अर्थ्याउदछु, म । धर्म राजनीति गरि समाजलाई बिखण्डनतर्फ धकेल्न दश बर्ष अभ्यास गरेका मोदीका निम्ति यस्तो घृणाको राजनीति प्रत्युत्पादक साबित भएकोछ । रामन्दिर निर्माणस्थल अयोध्यामै 'अछुत' भनि मन्दिर प्रवेशमा रोक लगाउने भाजपाका उम्मेदवारलाई समाजवादी पार्टीका दलित उम्मेदवारले हराईदिएकाछन् । हिन्दुत्व राजनीतिको केन्द्र मानिएको उत्तर प्रदेशमै भाजपाको नराम्ररी हार भएकोछ । २०१९ मा करिब पाँच लाख मतको अन्तरले बिजयी भएका मोदीलाई यसपालि बनारस, यूपीका जनताले डेढ लाख मत मात्र बढी दिई जिताएकाछन् । तपाईंले ट्रयाक रेकर्ड हेर्नु भो भने यो चुनाव मोदीको राजनीतिक करियरमै सबैभन्दा लज्जास्पद हारको रुपमा दर्ज हुन गएकोछ । सत्ता, पैसा, शक्तिको अधिकतम दुरुपयोग गरि चुनावमा उत्रिएको भाजपालाई जनताले स्पष्ट बहुमत पनि दिएका छैनन । त्यसैले शक्ति उन्मादमा तानाशाह बन्दै गएको मोदीका निम्ति यो अंकगणित निकै दुखदायी हुन पुगेकोछ । यसपालि मोदीलाई सरकार चलाउन सहज हुनेछैन । धर्मको राजनीति गर्ने उनलाई दुई सहयात्री दलका नेताद्धय ( नितिश कुमार र चन्द्रबाबु नायडु) जो दुबै धर्मनिरपेक्षताबादी हुन्, सहकार्य गरि सरकार जोगाउनु परेकोछ । राहुल गान्धीको नेतृत्वमा यसपालि दमदार प्रतिपक्ष संसदमा उपस्थित भएकोछ । त्यसमाथि मोदी र उनका रणनीतिकार गुजराती गृहमन्त्री अमित शाहको कार्यशैलीबाट असन्तुष्ट आरएसएससंग मिलापत्र गर्नुछ । छिमेकमा मात्र नभई बिश्वस्तरमा पनि मोदी त्याज्य हुदैं गइरहेकाछन् भन्ने दृष्टान्त त उनको पहिलो बिदेशभ्रमण (इटली) मा देखिइसकिएकोछ । त्यसैले भनेको हुँ मोदी यसपालि कमजोर हुन गएकाछन् । मोदी सत्तामा आएपछि बिग्रदै गएको नेपाल भारत सम्बन्ध के कमजोर मोदीको नेतृत्वमा बदलिएला त ? के भारतको नेपाल नीतिमा सकारात्मक परिवर्तन होला त ? त्यो सम्भावना कम देखिन्छ । सरकारमा बिदेश नीति 'डिल' गर्ने पुरानै ब्यक्तिहरु दोहोरिएकोले यस्तो अनुमान लगाउन सकिन्छ । तर एउटा खुशी मान्नुपर्ने तथ्य के हो भने मोदीको नेतृत्वमा भाजपा कमजोर भएपछि उसले नेपालमा सल्काउन लागेको धर्म अर्थात घृणाको राजनीति कमजोर हुन पुग्नेछ । मोदी कमजोर भएको मौकामा हामीले आफ्नो पक्ष राख्नसके दुई पक्षीय सम्बन्धमा पनि सुधार आउन सक्ने सम्भावना पनि छ । तर यो सबै हाम्रा नेताहरुको आत्मबिश्वासमा पनि निर्भर छ । हो, यहि बिषयमाथि हामी ( म, कनकमणि दीक्षित र सुधीर शर्मा) ले राजधानीका प्रवुद्ध ब्यक्तित्वहरुमाझ भारतीय चुनाव र त्यसको नेपाल प्रभावमाथि अन्तर्क्रिया गरेकाथियौं । त्यहाँ के के बहस भए ? भिडिओमा हेर्नुहोला, सुन्नुहोला । भिडिओ सौजन्यका निम्ति हिमालखबर डटकमका सम्पादक सन्त गाहा मगरलाई धन्यवाद । भारतीय चुनावको स्थलगत रिपोर्टिङ सम्बन्धि मेरा आलेख तलका लिङ्कमा पढ्नोस्– भारतमा भाजपा होइन, घृणाको राजनीति हार्‍यो https://nepalkhabar.com/opinion/20308... मोदी राजमा ‘जय सीयाराम’ होइन, ‘जयश्रीराम’ : बिथोलियो ‘ट्रयाक टु’, बिग्रियो ‘खुनको सम्बन्ध’ https://nepalkhabar.com/magazine/2022... नयाँ सरकारले अग्निपथ खारेज नगरे भारत–नेपाल रणनीतिक सम्बन्ध भत्कन्छ : अशोक मेहता (अन्तर्वार्ता) https://nepalkhabar.com/interview/200... नेपाली गोर्खाबिनाको ‘अग्निपथ’ भारतमा शीर्ष चुनावी मुद्दा, ४ जुनले निर्धारण गर्नेछ भविष्य https://nepalkhabar.com/politics/2001... बिहारका विधायकसँग अन्तर्वार्ता : हिन्दुराष्ट्र बनाउन खोज्दा भारतले नै नेपालसँग सम्बन्ध बिगार्‍यो https://nepalkhabar.com/interview/199... बिहारमा चलेको ‘तातो हावा’ले खोल्न सक्छ दिल्लीको राजनीतिक परिवर्तनको ढोका https://nepalkhabar.com/politics/1995... बेलायतमा खुलेको कोभिसिल्ड भ्याक्सिनको रहस्यले भारतमा हंगामा, मोदीको चुनावी अभियानमा धक्का https://nepalkhabar.com/politics/1993... पवन चाम्लिङको पार्टीका प्रवक्तासँग अन्तर्वार्ता : यसपालि सिक्किममा ५ वर्षमै सरकार बदलिँदैछ https://nepalkhabar.com/interview/198... गोर्खाल्यान्डको मृगतृष्णामा यसपालि पनि मोदीकै शरणमा दार्जिलिङका नेपालीभाषी https://nepalkhabar.com/politics/1986... #narendramodi #indianelection2024