𝙱𝚊𝚝 𝙼𝚒 𝙻𝚊𝚖𝚊𝚗 𝙽𝚊 𝙰𝚑𝚔𝚢𝚊𝚔 𝙰𝚒 𝚂𝚑𝚒𝚐𝚊 скачать в хорошем качестве

𝙱𝚊𝚝 𝙼𝚒 𝙻𝚊𝚖𝚊𝚗 𝙽𝚊 𝙰𝚑𝚔𝚢𝚊𝚔 𝙰𝚒 𝚂𝚑𝚒𝚐𝚊

▪︎ 𝙱𝚊𝚝 𝙼𝚒 𝙻𝚊𝚖𝚊𝚗 𝙽𝚊 𝙰𝚑𝚔𝚢𝚊𝚔 𝙰𝚒 𝚂𝚑𝚒𝚐𝚊 (ကချင်အစီအစဉ်ဖြစ်ပါတယ်) 𝗥𝗮𝗸𝗵𝗶𝗻𝗲, 𝗦𝗮𝗺 𝗠𝘂𝗻𝗴 𝗗𝗶𝗻𝗴𝗱𝘂𝗻𝗴 𝗗𝗮𝘄, 𝗝𝗶𝗻𝗴𝗵𝗽𝗮𝘄 𝗠𝘂𝗻𝗴 𝗵𝘁𝗲 𝗦𝗮𝗴𝗮𝗶𝗻𝗴 𝗚𝗶𝗻𝗿𝗮 𝗡𝗶 𝗛𝘁𝗮 𝗛𝗽𝘆𝗲𝗻 𝗞𝗼𝗺𝗶𝘀𝗵𝗶𝗻 𝗘, 𝗕𝗮𝘄𝗺 𝗚𝗮𝗽 𝗝𝗮𝗵𝗸𝗿𝗮𝘁 𝗞𝗮𝗽𝗮𝘄 𝗕𝘂𝗻 𝗔𝗶 𝗠𝗮𝗷𝗮𝘄 𝗦𝗶 𝗛𝗸𝗿𝘂𝗺 𝗔𝗶 𝗠𝘂𝗻𝗴𝗺𝗮𝘀𝗵𝗮 𝗡𝗶 𝗟𝗮𝘄 𝗡𝗴𝗮 𝗕𝗮𝘁 𝗦𝗵𝗮𝗴𝘂 𝗟𝗮𝗺𝗮𝗻𝗴. 𝗕𝘆 𝗞𝗪 (𝗡𝗮𝘄 𝗔𝘄𝗻). 𝟭𝟯 𝗗𝗲𝗰𝗲𝗺𝗯𝗲𝗿 𝟮𝟬𝟮𝟱 Rakhine mung, Sam mung dingdung daw, Jinghpaw mung hte Sagaing ginra ni hta hpyen komishin a nbungli bawm jahkrat kapaw bun ai lam ni a majaw, mungmasha ni arum ara asak si sum mat ai hte hkala nba hkrum sha ai mabyin ni matut manoi byin lai mat wa sai lam chye lu ai. Nyan Lyn Thit a sumtang hta mung, Rakhaine, Sam, Jinghpaw mung hte Sagaing ginra ni hta, ndai December shata shawng na 10 ya laman hta sha mungmasha marai 70 si hkrum sai rai nna, hkala hkrum ai mungmasha ni mung law ai nga nna ndau shale tawn da ai re. Mungkan Shinggyim Ahkaw Hkang Nhtoi masat shani rai nga ai, December 10 ya shani hta Rakhine rawt malan hpung ULA/AA ni padang dip uphkang da ai Myauk U muklum mungshawa tsi rung kaba hpe gumshem Myen hpyen komishin gaw, nbungli bawm jahkrat kapaw bun ai majaw, tsi rung kata kaw nga nga ai num marai 17 hte la smarai 16 si hkrum nna, asak laning mi re ai ma ni mung si lawm mat ai lam hkamja lam hpung ni hte Arakan ginra na shi gindai ni tsun tawn da ai kaw na chye lu ai. Myauk U tsi rung gaw Rakhine mung ting a matu ahkyak ai tsi rung langai rai nna, laja lana machyi kaba hkrum ai ni the, tsi ga lajang ai lam ni hpe galaw ya nga ai tsi rung langai re lam dai ginra na shi gindai ni tsun ai re. Bai nna, Jinghpaw mung Wai Maw, Man Maw hte Hpakant ginra ni hpe hpyen komishin gaw nbungli bawm, drone bawm ni hte bawm jahkrat gasat ai majaw, December praw 4 hte 10 ya lapran hta mungmasha marai 5 si nna, masha law law hkra hkala machyi hkrum ai hte dum nta ni htenza hkrum lai wa sai lam chye lu ai. December praw 7 hte 8 ya shani hta e mung Sagaing ginra, Pyinlebu hte Banmauk ginwangdaw na mare ni hta mung, hpyen komishin e jet fighter nbungli hte bawm gap jahkrat kapaw bun ai majaw, ma kanu langai hte mungmasha marai 2 si hkrum lai wa sai re. Dai hta n-ga, December 6 ya jahpawt hkying 9 aten daram, hpyen komishin gaw, Sam mung, Mung Myit ginwangdaw, Myit Sung mare hta, nbungli hte pawng 250 bawm 4 jahkrat kapaw bun ai majaw, hpyen yen amyu shayi ma hkum kanu langai hte kaga mungmasha marai 10 asak si sum nna, masha law law hkra hkala hkrum ai lam ginra shi gindai ni tsun ai re. December praw 5 ya shana hkying 8 pm daram hta mung, Sagaing ginra, Dipeyin ginwangdaw, Marakan mare kaw MIG-29 gasat nbungli langai hte bawm gap jahkrat kapaw bun ai majaw hpalap seng e, Myen hte Philippines htawng ai gawdin poi hpe yu nga ai mungmasha ni marai 18 si nna, marai 30 hkawt hkra hkala machyi hkrum ai lam chye lu ai. Hpyen komishin gaw, mungmasha nga shara ni hpe hpyen shingte shara shatai nna bawm jahkrat gap gasat ai mabyin ni matut manoi byin nga ai re. Jinghpaw mung hta gaw, Wunpawng Mungdan Shanglawt Asuya KIO/KIA ginjaw ginra Laiza muklum, KSCU dakkasu wang hta galaw lai wa sai re. Ndai lamang hpe Htoi Gender wuhpung ni woi awn galaw ai rai nna, CDM sara/num ni, CDM balik ni, jawngma ni hte shinggyim ahkaw ahkang shamu shamawt ai masha ni lawm let yawng marai (200) jan sa du shanglawm lai wa sai lam, woi awn galaw ai wuhpung ni tsun ai re. Ndai lamang hta Munghkan Shinggyim Ahkaw Ahkang Ndau Laika (UDHR) byin pru wa ai labau hpe hkaw tsun sang lang dan ai, ya aten na shinggyim ahkaw ahkang tawt lai hkrum ai mabyin lam ni hpe bawngban ai hte ga san ga htai lamang hta shang lawm ai ni hpe kumhpa jaw ai ginsup lamang ni galaw lai wa sai lam chye lu ai. Sam mung, Kuthkai muklum hta mung, shinggyim nauna shamu shamawt wuhpung CSO ni jawm woi awn nna masat nhtoi lamang galaw lai wa sai lam ginra masha langai tsun ai re. Dai Mungkan Shinggyim Ahkaw AHkang Nhtoi lamang hta, Kokang (MNDAA) hte Balawng (TNLA) wuhpung na ni, htunghking wuhpung wuhpawng na ni hte buga masha ni marai 250 jan sa du shang lawm ai lam chye lu ai. Munghkan Shinggyim Ahkaw Ahkang Ndau Laika (UDHR) hpe, No. 2 mungkan majan ngut ai hpang majan matut n byin hkra hte shinggyim ahkaw ahkang hpe makawp maga lu na matu yaw shada let, Mungkan Wunpawng Hpung (United Nations) kaw nna, shinggyim ahkaw ahkang komishin hpe 1946 ning hta hpaw dat sai hte, 1948 ning June shata hta, Munghkan Shinggyim Ahkaw Ahkang Ndau Laika hpe ka shangut la lu sai rai nna, 1948 ning December shata 10 ya shani galaw ai Mungkan Wunpawng Hpung ginjaw a ninggawn hkrumra zuphpawng hta shagrin la lu ai ndau laika rai nga ai.