Октябрскæйы бындурон рацарæзты фæстæ байгом районы поликлиникæ скачать в хорошем качестве

Октябрскæйы бындурон рацарæзты фæстæ байгом районы поликлиникæ

Октябрскæйы поликлиникæйы æрцыд ахсджиаг æмæ хъæугæ ивддзинæдтæ. «Цæгат Кавказы социалон-экономикон райрæзты» программæмæ гæсгæ дзы скодтой бындурон цалцæггæнæн куыстытæ. Медицинон уагдоны фæзынд ног ифтонггæрзтæ дæр. Ног уавæртæ федта хицауады сæрдар Дзанайты Барис. Компьютерон томографмæ медицинон уагдоны уæлдай тынг æнхъæлмæ кастысты. Раздæр-иу районы цæрджыты бахъуыд Дзæуджыхъæумæ цæуын. Ныр æмбæлгæ медицинон лæггад исдзысты цалдæр минутмӕ. Аппарат у нырыккон. Ай та у гастроскоп. Уый дæр дзуапп дæтты æппæт нырыккон домæнтæн. Поликлиникæйæн йæ техникон гæнæнтæ дæр ныр иттæг хорз сты. Ацы хъуыддаджы архайдтой, дохтырты фиппаинæгтæ хынцгæйæ. Равзæрстой хуыздæр ифтонггæрзтæ. Стоматологон кабинеты дæр, уӕдӕ, афтӕ. Абон ноггонд поликлиникæ йæ дуæрттæ байгом кодта фыццаг хатт. Ныридæгæн дæр æрбацыд бирӕ адæм. Ног гæнæнтæй разы сты. Сæ зæрдыл æрлæууынц раздæры уавæртæ. Иуӕй-иу процедурæ скӕнынмӕ кӕнӕ дохтыры фæдыл-иу ацыдысты Беслæн кæнæ Дзæуджыхъæумæ. Медицинон уагдоны суткæмæ балæггад кæнæн ис 600 адæймагæн. Ис дзы боныгон стационар 12 бынатимæ. Поликлиникæйы бындурыл ма байгом уыдзæн онкологион рынчынтæн æххуысы центр дæр. Ис ма дзы фтизиотерапийæйы хайад, стæй ноггуырд сывæллæттæн бассейн. Медицинон уагдоны цы ивддзинæдтæ æрцыд, уыдон федта хицауады сæрдар Дзанайты Барис. Æркаст алы хайады ифтонгадмæ дæр. Аныхас кодта куыд дохтыртимæ, афтæ цæрджытимæ дæр. Поликлиникæ рацарæзтой «Цæгат Кавказы социалон-экономикон райрæзты» программæмæ гæсгæ. Ам ахæм куыстытæ 30 азмæ фыццаг хатт бакодтой. Поликлиникæйы фæллой кæндзысты 300 адæймагæй фылдæр. Уыдонæй 120 — дохтыртæ. Ӕппӕт дӕр куысынмæ сты цæттæ. _________________________ Мы рядом в: vk.com/irystontv ok.ru/irystontv    / irystontv   zen.yandex.ru/irystontv t.me/irystontv