كچە ئێزدییەكی شنگال دەبێتە فریاد رەس بۆ خێزانەكەی скачать в хорошем качестве

كچە ئێزدییەكی شنگال دەبێتە فریاد رەس بۆ خێزانەكەی

حەنیفە بە هەوڵی خۆی سێ خوشكی لە دەست داعش رزگار دەكات KNN دەچێتە گوندێكی سەر بەقەزای سیمێل لەدهۆك و دەبێتە میوانی دوو خوشكی ئێزدی، كە لەدوای كارەساتی شنگالەوە تا ئێستا لە چاوەڕوانی و پەژارەدا دەژین. ​ ​پاڵەوانی ئەم چیرۆكە حەنیفەی تەمەن 30 ساڵە، كە دوور لە چاوی میدیاو بە بێدەنگی سێ خوشكی دیلی لە دەست داعش رزگار دەكات و ئێستا بۆ سۆراغی دوو خوشكی تری، كە چارەنوسیان نادیارە، لە هەوڵی بەردەوامدایە. لە گوندێكی سەر بە قەزای سیمێڵ لە دهۆك، دەبێنە میوانی دوو كچی ئێزدی قوربانی دەستی داعش. حەنیفە هێشتا شۆكی ئەو كارەساتە بەرینەداوە، كە داعش چوار ساڵ بەر لە ئێستا بەسەر شنگال و خێزانەكەی ئەودا هێناویەتی، كاتێك دەكەوێتە باسكردنی رووداوەكە، فرمێسك بەری چاوی دەگرێت و قوڕگی پڕ دەبێت لە گریان. حەنیفە، كە رۆڵی دایك و باوك بۆ پێنج خوشكەی تری دەبینێت، ئەو ئێوارەیەی چەكدارانی داعش بە هێزێكی زۆرەوە شنگال داگیر دەكەن، دەیەوێت لە شارەكە دەربازیان كات، بەڵام لەو هەوڵە سەركەوتوو نابێ و تەنها بە فریای مام عەباسی باوكی دەكەوێت. لە حەسرەتی كارەساتەكە، باوكی حەنیفە، جەڵتە لێی دەدات و پاش ماوەیەك كۆچی دوایی دەكات، حەنیفە دەڵێت: بەڵێنی بە باوكی داوە، كە خوشكەكانی لەدەست داعش رزگار بكات، ئێستا سێ خوشكی ئازاد كردووەو لە سۆراغی دوو خوشكەكەی تریدایە. حەنیفەی تەمەن 30 ساڵ، پێشمەرگە ئاسا ماوەی چوار ساڵە بۆ دۆزینەوەی خوشكەكانی، كۆڵی نەداوە، ئێستا بۆ هینای خوشكی، بووەتە قەڵایەك، كە چەند مانگێكە لە دەست چەكدارانی داعش رزگاریكردووەو بەردەوام دڵی دەداتەوە. بەپێی ئامارەكانی بەڕێوەبەرایەتی كاروباری ئێزدییەكان، هێشتا زیاد لە سێ هەزار هاوڵاتی ئێزدی لە ژێر دەستی داعش ماونەتەوە، كە زۆربەیان كچ و ژنن و چارەنوسیان نادیارە، خوشكە دیلەكانی حەنیف، كە ئێستا چارەنوسیان نادیارە، تەمەنیان لە نێوان 13 بۆ 23 ساڵدایەو هێشتا دەرگای ئومێدیش بەڕووی حەنیفە دانەخراوە بۆ گەڕاندنەوەیان. → website: http://www.knn.krd/Default.aspx → Facebook:   / knn.krd   → youtube:    / tvknnc   →    / tvknnc   → Instagram:   / knn_kurdish   hl=en  / knncchannel