Şəhid Məmmədov İkram Ehtiram oğlunun dəfni -Xaçmaz, Çiləgir kəndi 13.01.2021 скачать в хорошем качестве

Şəhid Məmmədov İkram Ehtiram oğlunun dəfni -Xaçmaz, Çiləgir kəndi 13.01.2021

18 yaşlı İkram Məmmədov Füzuli uğrunda döyüşdə şəhid olub. İkram ötən ilin iyul ayının 13-də hərbi xidmətə yollanmışdı. Müharibə başlayanda Qazaxdakı hərbi hissədə xidmət edirdi. Sonuncu dəfə oktyabrın 9-da evə zəng vurub. Döyüşə gedəcəklərini bildirib. Olduğu hərbi hissədən bildiriblər ki, İkramın yer aldığı hərbi birlik Füzuli uğrunda döyüşlərə cəlb olunub. İkram və bir neçə silahdaşı oktyabrın 13-də yanlarında mərmi partlaması nəticəsində şəhidlik zirvəsinə ucalıblar. Sonradan həmin əraziyə nəzarət düşmən tərəfə keçdiyindən ermənilər şəhidlərimizin nəşini torpağa basdırıblar. Məhz bu səbəbdən də düşmən məhv ediləndən sonra belə İkram və döyüş yoldaşlarının yerini müəyyən etmək mümkün olmayıb. Onlar itkin düşmüş sayılırdı. Nəhayət 3 aydan sonra şəhidlərimizin basdırıldığı yer müəyyənləşib. Qəhrəman döyüşçümüzün nəşi torpaqdan çıxarılaraq xüsusi analiz vasitəsilə şəxsiyyəti dəqiqləşdirilib. İkram şəhid olmasından düz üç ay sonra 13 yanvar 2021-ci ildə doğulub boya-başa çatdığı Xaçmaz rayonunun Çiləgir kəndində dəfn olunub. Allah rəhmət eləsin!