മുതലകൾ കാവലുള്ള കോട്ടയിലേക്ക് | Chettuva Kotta | TravelGunia | Vlog 92 скачать в хорошем качестве

മുതലകൾ കാവലുള്ള കോട്ടയിലേക്ക് | Chettuva Kotta | TravelGunia | Vlog 92

For Enquiries Jayadev: 9633605205 *** Follow us on *** Instagram:   / travel_gunia   Facebook:   / travelguniaamindfultravelling   WhatsApp: https://wa.me/message/VMZFFPT6UEGXA1 കാടുപിടിച്ച ചേറ്റുവ കോട്ടയുടെ പുറത്തുനിന്നുള്ള കാഴ്ചതന്നെ അതി ഭീകരമാണ്. കോട്ടയ്ക്ക് ചുറ്റുമുള്ള കിടങ്ങിൽ ധാരാളം പാമ്പുകൾ വന്നുചേരാനുള്ള സാധ്യത കൂടുതലായിരുന്നു. ചേറ്റുവ പുഴയിൽനിന്നും കോട്ടയിലേക്ക് ഇടത്തോടുകൾ പണിതിട്ടുണ്ട്. കണ്ടൽക്കാടുകൾ നന്നായി വളരുന്ന ഈ പ്രദേശം ധാരാളം ഉരകങ്ങളുടെയും ജലജന്തുക്കളുടെയും ആവാസ കേന്ദ്രമാണ്. ഞങ്ങൾ യാത്രക്കായി തിരഞ്ഞെടുത്തത് ഒരു മഴക്കാലമായിപ്പോയി, തുടർച്ചയായി പെയ്ത മഴയിൽ ഒരാൾപൊക്കത്തിൽ പുല്ല് വളർന്നിരുന്നു. കാര്യങ്ങൾ കൂടുതൽ കുഴപ്പിച്ചുകൊണ്ട് നായ്ക്കൊരന്ന വള്ളി എല്ലായിടത്തും പടർന്നു പിടിച്ചിരുന്നു. കോട്ടക്കകത്തേക്ക് ഏതാനും ചുവടുകൾ വെച്ചപ്പോഴേക്കും ദേഹമാസകലം ചൊറിഞ്ഞു തടിക്കാൻ തുടങ്ങി. വർഷങ്ങളായി മനുഷ്യ സഞ്ചാരം ഇല്ലാതിരുന്നതിനാൽ അകത്തേക്കുള്ള വഴികൾ മുഴുവനായി കാട് മൂടി നശിച്ചു കിടക്കുകയായിരുന്നു. സുഹൃത്തും ചാവക്കാട് സ്വദേശിയുമായ ലത്തീഫിന്റെ മുന്നിൽനിന്നുള്ള പിന്തുണയും കയ്യിൽ ഒരു വടി പോലും ഇല്ലാത്തതിന്റെ അന്ധമായ ആത്മവിശ്വാസവുമായപ്പോൾ നടത്തം മുന്നോട്ട് നീങ്ങി. കാടുപിടിച്ച ചേറ്റുവ കോട്ടയുടെ പുറത്തുനിന്നുള്ള കാഴ്ചതന്നെ ആളുകൾ ഇങ്ങോട്ട് കയറാതെ നിലനിർത്തും. കോട്ടയ്ക്ക് ചുറ്റുമുള്ള കിടങ്ങിൽ പണ്ട് ഡെച്ചുകാർ മുതലകളെ വളർത്തിയാണത്രെ കോട്ടക്ക് സുരക്ഷ ഒരുക്കിയത്. വർഷം ഒരുപാട് കഴിഞ്ഞിട്ടും കോട്ട മനുഷ്യ പ്രവേശനം എളുപ്പമല്ലാതെ വന്യമായി നിലനിൽക്കുന്നു. ആറ് ഏക്കറോളം വിസ്തൃതിയുള്ള ചേറ്റുവ കോട്ട 2009-ലാണ് സംസ്ഥാന പുരാവസ്തു വകുപ്പ് ഏറ്റെടുക്കുന്നത്. അതിൽപിന്നെ കിടങ്ങിനു കുറുകെ ഒരു പാലം സ്ഥാപിച്ചിട്ടുണ്ട്. എന്നിട്ടും ഞങ്ങൾ അതിനകത്തു കയറിപ്പറ്റാൻ ഒരുപാട് സാഹസം കാണിക്കേണ്ടിവന്നു. പൂഴിമണൽ കൂടുതലുള്ള മണ്ണാണ് കാട്പിടിച്ച കോട്ടപ്പറമ്പിൽ. ചിലയിടത്തൊക്കെ ചതുപ്പ് രൂപപ്പെട്ടിട്ടുണ്ട്. അത്തരം കുഴികൾ മുന്നോട്ട് വെക്കുന്ന ചുവടുകളെ കൂടുതൽ ദുർബലമാക്കി. ചിലപ്പോളൊക്കെ തകർന്നുകിടക്കുന്ന കോട്ടമതിലിന് മുകളിലൂടെയായി നടത്തം. പക്ഷെ നൂറുശതമാനം കാടുകയറിയ കാരണം ചവിട്ടി നടക്കുന്ന വഴികളുടെ കീഴിലുള്ള ചരിത്ര അവശേഷിപ്പുകൾ പിടികിട്ടാത്ത നിഗൂഢതകൾ ബാക്കിയാക്കി. ടിപ്പുസുൽത്താൻ വെള്ളക്കാർക്കെതിരെ നടത്തിയ ഭീകരമായൊരു ആക്രമണത്തിൽ തകർന്നടിഞ്ഞതാണ് ചേറ്റുവയിലെ ഈ വില്യം ഫോർട്ട്‌. അതിൽപിന്നെ ഈ കോട്ട ടിപ്പുവിന്റെ പേരിലും അറിയപ്പടുന്നു. കുറച്ചുകൂടെ ശാസ്ത്രീയമായ രീതിയിൽ പരിപാലിക്കപ്പെടേണ്ട ഒരു സ്ഥലം ഇങ്ങനെ നശിച്ചു കിടക്കുന്ന കാഴ്ച സങ്കടകരമാണ്. എത്രയും വേഗത്തിൽ ബന്ധപ്പെട്ടവരുടെ ശ്രെദ്ധ ഇത്തരം പുരാതന നിർമിതികളിൽ എത്താനായി ഈ കാഴ്ചകൾ പരമാവധി ആളുകളിൽ എത്തേണ്ടതുണ്ട്. ഓരോ പൗരനും സ്വന്തം ഉത്തരവാദിത്തം എന്ന നിലക്ക് ചെയ്യാനാകുന്ന ഇടപെടലുകൾ സാധ്യമാകുന്ന നിലക്ക് ചെയ്തുകൊണ്ട് ഇനി ഇങ്ങോട്ട് വരുന്ന യാത്രക്കാർ സുരക്ഷിതരായി യാത്രചെയ്യാൻ സാഹചര്യം ഒരുങ്ങട്ടെ. ഭാഗ്യം തുണച്ചതിനാൽ ജീവന് അപകടമൊന്നുമില്ലാതെ, കുറച്ചധികം സാഹസം കാണിച്ചാണെങ്കിലും ഞങ്ങൾ കോട്ടക്കകത് കയറി. പക്ഷെ ഇങ്ങനെ ഒരു ഭാഗ്യപരീക്ഷണം നടത്തേണ്ട ഒരു സാഹസികയാത്രയല്ല ഇവിടെ വരുന്ന ആരും പ്രതീക്ഷിക്കുക. അത്തരം ഇടങ്ങളിൽ നമ്മുടെ നാട്ടിൽ ധാരാളം വേറെ ഉണ്ടല്ലോ. #ChettuvaKotta #TipuSultanKotta #TravelGunia