Germaniya maktabidagi pedagog o‘zbek скачать в хорошем качестве

Germaniya maktabidagi pedagog o‘zbek

Ko‘pchilik Myunxen deganda “Octoberfest” yoki dunyoning eng gigant futbol klublaridan biri “Bavariya” bilan bog‘laydi. Aslida esa, bu shahar nafaqat Germaniya iqtisodiyotining lokomotivi, balki butun Yevropaning eng boy va moliyaviy jihatdan mustaqil shaharlaridan biridir. Boshqacharoq aytganda, Yevropaning iqtisodiy quvvat markazi sanaladi. 2025–2026-yillar uchun tasdiqlangan Myunxen shahrining yillik umumiy byudjeti taxminan 10-11 milliard yevro atrofida. Solishtirish uchun bu raqam Qirg‘iziston, Tojikiston, Armaniston, Moldova singari mamlakatlarning yillik umumiy byudjetidan karrasiga ko‘pdir. Germaniyaning DAX (fond indeksi), shuningdek BMW, Siemens, Allianz, Airbus singari gigant kompaniyalarining bosh ofislari ham aynan shu shaharda joylashgan. Faqatgina sanoat solig‘ining o‘zidan (Gewerbesteuer) shahar yiliga 3, 35 milliard yevro daromad oladi. Myunxenning yillik YAIM hajmi esa taxminan 170 milliard yevro. Bu ko‘rsatkich bo‘yicha Myunxen dunyoning eng kuchli 30 ta iqtisodiy markazi qatoriga kiradi. Myunxen aholisining xarid qobiliyati Germaniya bo‘yicha eng yuqori. Har bir jon boshiga yiliga o‘rtacha 34 000 yevrodan to‘g‘ri keladi. Byudjetning eng katta qismi ijtimoiy ta’minot, ta’lim va shahar infratuzilmasini (transport, yo‘llarni) rivojlantirishga sarflanadi. Bunday yuqori ko‘rsatkichlar, sifatli hayot odamlarni o‘ziga tortmay qolmaydi, albatta. Myunxen aholisining qariyb yarmi (taxminan 45-50 foizi) migratsiya tarixiga ega. Bu degani, ular yoki o‘zlari Germaniyaga ko‘chib kelgan yoki ularning ota-onasidan biri xorijlikdir. Shaharda istiqomat qiluvchi 1,6 million aholining taxminan 30,1 foizi (ya’ni qariyb 480 000 kishi) Germaniya pasportiga ega bo‘lmagan xorijliklardir. Bag‘rikeng Myunxenda 180 dan ortiq millat vakillari yashaydi. Shaharning turli sohalarida ishlayotgan va yashayotganlar orasida o‘zbekistonliklar ham bor. Ulardan biri bekobodlik Davron Safarov. Asl kasbi pedagog bo‘lgan Davron Ausbildung dasturi bilan butkul boshqa soha bo‘yicha kelgan edi.