Recuelh de memòria orau dera Val d'Aran - Presentacion скачать в хорошем качестве

Recuelh de memòria orau dera Val d'Aran - Presentacion

Era lengua mès genuïna d’aguest país ei aquera que parlen es nòsti auantpassats, persones qu’en aguesti moments an 85 ans o mès. Er IEA-AALO met en marcha eth projècte de Recuelh de memòria orau. Damb aguest projècte mos asseguram que perdure en temps, que demore enregistrat, que se pogue estudiar e que jamès se desbrembe. Ei incredible, i a paraules que non auia sentut jamès, paraules que càmbien d’un pòble a un aute e paraules qu’ena actualitat non emplegam però que sí que formauen part deth dia a dia des nòsti auantpassats. Darrèr de cada paraula i a ua istòria d’ua Val d’Aran qu’aué en dia ei totaument desconeishuda. Ei un archiu totaument necessari que non podem deishar que se pèrde, ei eth legat dera nòsta gent, era eréncia dera nòsta lengua. Enregistram ad aguestes persones, transcriuem tot aquerò que diden e estudiam eth sòn vocabulari era sua sintèsi, era sua forma d’expression. Creiguem qu’aguesta ei ua des peculiaritats mès importantes dera nòsta identitat. Siguec ua experiéncia immensament enriquidora, coma periodista gaudisqui un pialèr d’aguesta aventura.