Атырауда 15 жастағы жеткіншек екі бірдей сыныптасын балтамен қуалап жүрген скачать в хорошем качестве

Атырауда 15 жастағы жеткіншек екі бірдей сыныптасын балтамен қуалап жүрген

Атырауда қатарластарын балтамен қуып, қорқытқан оқушы қамауға алынды. Қоңырау кезінде қолына суық қару алып, сыныптастарына шабуылдаған күдікті "бұзақылық" бабымен тергеліп жатыр. Ал қашып, кабинеттерге тығылған екі жеткіншек жеңіл жарақат алыпты. Жасөспірімдер арасында қандай кикілжің туындағанын қазір полиция анықтап жатыр. Осы оқиғадан кейін Құлсарыдағы Пушкин атындағы мектептің директоры жұмысынан өз еркімен кетті. Бұзақылыққа барған бала туралы ұстаздары не дейді? Ал білім ошағындағы тәртіпке жауапты күзетші қайда болған? Әріптесім Жұлдыз Тілеухан жалғастырады. 15 жастағы жеткіншектің екі бірдей сыныптасын балтамен қуалап жүрген сәті көпшіліктің жағасын ұстатты. Суық қарудан қорқып қашқан ұлдардың бірі кабинетке кіріп, есігін жауып үлгерген екен. Салдарынан екі ұл қолы мен иығын жарақаттапты. Ал, мектептің күзетшісі басқа жұмыстармен жүріп, сұмдық оқиғаны кеш білді дейді жауаптылар. МАРАТ ӘБУОВ, Атырау облыстық білім басқармасының басшысы: Келісімшартқа отырылған күзет қызметін атқарады. Дәліздердің бәрінде камера бар. Бұл жерде күзетші, жалпы камера күзетінің алдында болмаған. Қоңырау кезінде басқа жұмыспен болған. Күзет те байқамаған. Балалар жиналып жатыр деген хабарлама келген кезде басқа дәлізбен түсіп кеткен. Күзетшінің жасын білмеймін, шамалап енді 25-50 жас аралығында деп талап қойып жатырмыз ғой. Көпшілікті шошытқан оныншы сыныптың оқушысы мектепішілік есепте тұр екен. Ол осыған дейін де сотқарлығымен көзге түскен дейді ұстаздары. Құлсары қаласындағы Пушкин атындағы мектептегі шудан кейін директор өз еркімен жұмыстан кетіпті. Шенеуніктер білім ошағының қауіпсіздігін лицензиясы бар күзет агенттігі қамтамасыз етеді деп отыр. Бірақ оқу орнында арнайы металл детекторы жоқ болып шықты. ҒАЛЫМ БАЙЖАНОВ, Атырау облыстық полиция департаменті бастығының орынбасары: Жинақталған материалдар шешім қабылдау үшін Кәмелетке толмағандардың істері жөніндегі комиссияға жолданды. Сондай-ақ жасөспірімнің ата-анасына қатысты кәмелетке толмаған баланы тәрбиелеу жөніндегі міндеттерін тиісінше орындамағаны үшін әкімшілік іс қозғалды. Қылмыстық іс аясында қылмысқа ықпал еткен себептер мен жағдайларды жою туралы білім беру бөліміне ұсыныс енгізілді. ЖҰЛДЫЗ ТІЛЕУХАН, тілші: Қамауда отырған күдікті "бұзақылық" бабымен тергеліп жатыр. Ал рнайы құрылған комиссия өкілдері мектепге барып, мән-жайды анықтайтын болады. Жантүршігерлік жағдайдан кейін аймақтағы барлық білім ошағында қауіпсіздік талаптарын күшейту жұмыстары қолға алынбақ. #Информбюро #31арна #БастыЖаңалықтар #Новости #31канал