Top News - Anija luftarake më e madhe në Evropë / Macron prezanton ‘Francën e lirë’, 10 mld euro скачать в хорошем качестве

Top News - Anija luftarake më e madhe në Evropë / Macron prezanton ‘Francën e lirë’, 10 mld euro

Presidenti Emmanuel Macron njoftoi se aeroplanmbajtësja e ardhshme me energji bërthamore e Francës do të quhet Franca e Lirë, ndërsa vendi synon të përforcojë statusin e tij si një fuqi e madhe detare. Sapo të përfundojë, anija luftarake, e cila do të zëvendësojë aeroplanmbajtësen e vetme të vendit - Charles de Gaulle - dhe që pritet të hyjë në shërbim në vitin 2038, do të jetë anija luftarake më e madhe e ndërtuar ndonjëherë në Evropë. Macron tha se anija do të emërohej sipas lëvizjes Franceze të Rezistencës që Gjenerali de Gaulle udhëhoqi kundër pushtimit nazist të Francës gjatë Luftës së Dytë Botërore. "Doja që aeroplanmbajtësja jonë e ardhshme të ndiqte gjurmët e Gjeneralit de Gaulle", tha Macron në një kantier detar në qytetin perëndimor Indret, pranë Nantës, ku do të ndërtohen dy reaktorët bërthamorë të anijes. "Aeroplanmbajtësja jonë e re do të quhet France Libre", shtoi ai. "Ky emër nderon kujtimin e burrave dhe grave që u ngritën kundër barbarisë." Në dhjetor, Macron njoftoi fillimin e ndërtimit të aeroplanmbajtëses së re, një projekt që vlerësohet të kushtojë 10 miliardë euro. Ai u tha trupave franceze në Emiratet e Bashkuara Arabe në atë kohë se "në një epokë grabitqarësh", Franca "duhet të jetë e fortë që ta kenë frikë". Ai e përsëriti këtë të mërkurën. "Për të qëndruar të lirë, duhet të na kenë frikë. Që të na kenë frikë, duhet të jemi të fuqishëm", tha ai. Përpara ceremonisë, Macron postoi një video 30-sekondëshe që nxirrte në pah disa nga momentet dhe arritjet teknologjike më krenare të Francës. E shoqëruar me muzikë emocionuese, videoja aeroplanmbajtësen Charles de Gaulle, nëndetëseve, trupave, avionëve që fluturonin në ajër, trenave me shpejtësi të lartë dhe astronautes franceze Sophie Adenot, e cila është në hapësirë që nga mesi i shkurtit. "Franca është e egër", shkruhej në klip. Franca është një nga dy vendet në botë që operojnë aeroplanmbajtëse me energji bërthamore. Shtetet e Bashkuara kanë 11 anije të tilla. Charles de Gaulle u vu në shërbim në vitin 2001 dhe është anija luftarake më e madhe e ndërtuar ndonjëherë për Marinën Franceze. Anija e re do të jetë shumë më e madhe se Charles de Gaulle, do të peshojë 80,000 ton dhe do të jetë 310 metra e gjatë. Do të ketë një ekuipazh prej 2 mijë trupash dhe do të mbajë në bord 30 avionë luftarakë si edhe dronë. Pamje:AFP Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar. Për më shumë vizitoni: http://top-channel.tv/ Subscribe to "Top Channel" on YouTube Channel for NEWS and TV Shows HERE: http://bit.ly/2Y15KwK For more content from click HERE: www.top-channel.tv Like Top Channel on Facebook HERE: http://bit.ly/2FglWTs Follow Top Channel on Instagram HERE: http://bit.ly/2uaYG2U Follow Top Channel on Twitter HERE: http://bit.ly/2TJndeH #TopNews#Macron#Anija#Luftarake