張家輝拒絕競逐男歌手獎項 陳法拉仔女黐身匆匆返港三日 скачать в хорошем качестве

張家輝拒絕競逐男歌手獎項 陳法拉仔女黐身匆匆返港三日

張家輝拒絕競逐男歌手獎項 陳法拉仔女黐身匆匆返港三日 由金像影帝張家輝自導自演嘅新戲舉行首映禮，出席嘅演員包括特登由美國返港宣傳嘅陳法拉、劉俊謙、朱晨麗、袁富華、張文傑等，而羅蘭、胡楓、同埋張繼聰夫婦都有嚟捧場。 為咗呢部電影，家輝出心出力，呢排仲不時化身「蔡辛強」，除咗去廟街擺檔之外，更喺社交平台同網民互動，就連 Tyson Yoshi都同蔡辛強friend 咗。不過當記者問到家輝有冇興趣識多個朋友，家輝就搞笑話蔡辛強有識朋友嘅自由，而張家輝就比較孤僻啦！ 呢次家輝仲親自獻唱電影主題曲，相隔20年再重返歌手崗位，雖然網民集氣推佢上台攞獎，不過佢就表現得好抗拒，話只想專心搞電影，叫大家唔好搞事。至於電影國語版主題曲，有人建議可以搵劉俊謙唱，估唔到謙仔竟然話自己唱歌收好貴喎！ 法拉呢次喺戲中有突破演出，為咗套戲佢專程返嚟三日配合宣傳，由於行程緊迫，完全冇時間同朋友聚會，要急急腳返屋企交人。法拉話因為兩個小朋友仲細，仲係好黐身，所以唔可以離開太耐，佢仲多謝老公呢段時間幫佢湊小朋友。 呢日羅蘭姐同胡楓特登嚟撐家輝，不過身為契爺嘅修哥，似乎對家輝呢個契仔有啲微言，事關修哥投訴話家輝原本應承搵佢同羅蘭姐合作，但就冇下文，而羅蘭姐就幫手打圓場讚家輝好乖仔，只要有時間都會陪佢哋幾個老友記，認真唔話得。 #張家輝 #陳法拉 #劉俊謙 #朱晨麗 #袁富華 #張文傑 #羅蘭 #胡楓 #贖夢 #蔡辛強 #廟街擺檔 #tysonyoshi #競逐 #男歌手獎 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0