Жаңақорған ауданындағы тасқын су жайылған ауылдың үйлеріне сызат түсе бастады скачать в хорошем качестве

Жаңақорған ауданындағы тасқын су жайылған ауылдың үйлеріне сызат түсе бастады

Қызылорда облысының Жаңақорған ауданындағы тасқын су жайылған ауылдың үйлеріне сызат түсе бастады. Кейбір үйлердің қабырғалары сөгіліп, іргетастары үңірейіп қалған. Ал, Төтенше жағдайлар министрі Владимир Божко ол жақтан бүлінген үй туралы мәліметтер түскен жоқ дейді. Қазіргі уақытта Жайылма ауылындағы су тартыла бастағанымен, енді Бірлік ауылына қауіп төніп тұр. Жәнібек Тоқбатыров төрт күн бойы тасқын судың астында қалған үйін тастап, отбасымен бірге жақындарын жағалап кеткендердің бірі. Толассыз жауған жаңбыр мен таудан аққан еріген қар суы, екі жыл бұрын ғана салынған баспанасын апатты еткен. Қабырғасына сызат түсіп, іргетасы жерден жарты метр көтеріліп, құлауға шақ қалған. ЖӘНІБЕК ТОҚБАТЫРОВ, Жаңақорған ауданының тұрғыны: Қызыл судан келген кесел жалғыз бұл емес. Қоралар қопарылып құлап, төбесі опырылып ортасына түскен. Тұрғындар малдарын дер кезінде алып шығып, қауіпсіз жерге көшіріп үлгергендеріне тәуба айтады. Сәл қалғанда, үйлеріміз де тасқын судың астында қалып, баспанасыз қалушы едік дейді. ЖАМАЛАДИН ӘБІЛБАШАРОВ, Жаңақорған ауданының тұрғыны: Кеше ғана тұрғындарға әкіреңдеп, дауыс көтеріп жүрген шенеуніктер бүгін байқалмайды.Төтенше жағдай қызметкерлері күшейтілген жұмыс тәртібіне көшкен. Судың арналары жайылымға бұрылып, құм салынған қаптардан бөгеттер қойылған. Бірақ енді көрші маңдағы Бірлік ауылы қауіптің алдында. Құтқарушылар алдын-алу шараларына дайынбыз дегенімен, тосыннан келетін төтенше жағдайға толық дағдылана қоймаған сыңайлы. Қала болғанда да халықтың өз күшімен қиындықтан шыққандары жөн болғанға ұқсайды. Өйткені Божко мырза, қалай болғанда да ауылдықтардың бастарына түскен қауіптен өздері құтылуға тура келетін еді дейді. Қазір шығын көлемін есептейтін арнайы комиссия құрылған. Дегенмен үйлерін тастап кеткен тұрғындар ағын судан келген апаттың қайталанбайтынына күмәнмен қарайды. Бүтіндей бір ауылды басып қалған ағын судың зардабын тартқан ағайындар билік өкілдерінен дер кезінде көмек болса дейді.