#قصة скачать в хорошем качестве

#قصة

#قصة الشمري زبار الخيمة من الجعافر من عبده عندما قتل ولد عمه وصار دخيل عند الظفير وكان ابن عمه /نيف بن اوحيمر يبحث عنه وحصله على عد ماء بعد حوالي سنه وتبعه حتى عرف مكان بيته وكانت ليلة مطيرة. فهاجت قريحة زبار بالقصيدة التالية ونيف متخفي بطرف البيت وبعد ماقال القصيدة على الربابة ومدح فيها نيف طلع عليه نيف بسلاحه وقاله ابسألك بالله انت شايفني. قال لوشفقتم لهربت عنك لاني عارف انك تبي تقتلني. قال تراي سامحتك وابشر بربعك نرجع لهم وحملوا البيت من بكرة ورجعوا للاجفر. كريم يابرق سرى له رفاريف ..............قعدت اخيله والعرب نايميني عزّ ك من امنشا مزونه مقانيف ...............جلّه على التيّم يسار ويميني وسواقي الاجفر غدرها كنه السيف ..............حتى ان منزلها لاهلها يزيني منازل الي يكرم الجار والضيف ................يشوفهم في جانبه كل حيني اهل رباع كالهضاب المناويف .......... كبار الصحون ومطلقين اليميني شمر هل الطولات ماهم تصانيف ..............من سابق للطايـلـه كاسـبيــني ياعل ديرتهم كثير به الريف ...........وياعلهم طول اـلدهر مسـعدينـي ودي بهم لاشك ماهي على الكيف ....... عنهم نحاني نيف حبس الـكميـني ياسعد من له بالرفاقه مثل نيف ...............او زاد مثلي ينطح العايـليـني الله لحد من نقض الجزو بالصيف ................وانا لذيذ النوم ما طب عينـي العين دمعه دب دايم ذواريف .............وقلبي على لاما الرفاقه حزيني والرجل ملّت من كثير التواقيف ............ولا لي حذاك مشاركن يا جنينـي وش هقوتك وان جت هبوب بها هيف .................هو بك ذرا والا من المرتعـيني زبار الخيمة الجعفري من عبده الشمري