Uth Shah Hussaina Vekh Laye| New Version (Official)| Ramzan Jani | 2023 | Trending Kalam| скачать в хорошем качестве

Uth Shah Hussaina Vekh Laye| New Version (Official)| Ramzan Jani | 2023 | Trending Kalam|

Asan Akhar Moti Rolde Kalam This is new Song of Singer Ramzan Jani Song Title " Uth Shah Hussaina Vekh Laye " Singer: Ramzan Jani Lyrics: Ghulam Hussain Nadeem Composition: Ramzan Jani Music: Bao G Studio Mix Master: Rinku Ali Video: Naveed Chaudhary Lyrics ‏‏اُٹھ شاہ حُسینا ویکھ لے اسیں بدلی بیٹھے بھیس ساڈی جِند نماݨی کُوکدی اسیں رُݪ گئے وِچ پردیس ساڈا ہر دم جی کُرلاوندا، ساڈی نِیر وگاوے اَکّھ- اساں جیوندی جانے مرگئے، ساڈا مادھو ہویا وَکھ سانوں سپّ سمے دا ڈنّگدا، سانوں پَل پَل چَڑھدا زہر ساڈے اندر بیلے خوف دے، ساڈے جنگݪ بݨ گئے شہر اساں شوہ غماں وِچ ڈُبدے، ساڈی رُڑھ گئی ناؤ پتوار ساڈے بولݨ تے پابندیاں، ساڈے سِر لٹکے تلوار اساں نیناں دے کھوہ گیڑ کے کِیتی وتّر دل دی بھوں ایہ بنجر رہ نماننڑی، سانوں سجّݨ تیری سَونھ اساں اُتوں شانت جاپدے، ساڈے اندر لگی جنگ سانوں چُپ چپیتا ویکھ کے، پئے آکھݨ لوک ملنگ اساں کُھبھے غم دے کھوبڑے، ساڈے لمے ہو گئے کیس پا تاݨے باݨے سوچدے، اساں بُݨدے رہندے کھیس ہُݨ چھیتی دوڑیں بُلھیا، ساڈی سوݪی ٹنگی جان تینوں واسطہ شاہ عنایت دا، نہ توڑیں ساڈا ماݨ اساں پیریں پا لئے کُعھنگرو، ساڈی پاوے جِند دھمال ساڈی جان لباں تے اپّڑی، ہُݨ چھیتی مُکھ وِکھاݪ ساڈے سر تے سورج ہاڑھ دا، ساڈے اندر سِیت سیال بَݨ چھاں ہُݨ چیتر رُکھ دی، ساڈے اندر بھانبڑ باݪ اساں مچ مچایا عشق دا، ساڈا لُوسیا اِک اِک لُوں اساں خُود نوں بُھلّے سانوݪا، اساں ہر دم جپیا توں سانوں چِنتا چِخا چڑھاوݨ دی، ساڈے تِڑکݨ لَگے ہَڈّ پَھڑ لیکھاں برچھی دُکھ دی ساڈے سینے دتی گَڈ اساں دُھر تُوں دُکھڑے چاکدے ساڈے لیکھیں لکھیا سوگ ساڈی واٹ لمیری دُکھ دی، ساڈے عُمروں لمے روگ ساڈے ویہڑے پھوہڑی دُکھ دی، ساڈا رو رو چویا نور ایہ اوکڑ ساڈی ٹاݪ دے، تیرا جیوے شہر قصور آ ویکھ سُخن دیا وارثا، تیرے جنڈیالے دی خیر اَج پُتر بولی ماں دے پئے ماں ناݪ رکھݨ وَیر اَج ہیر تیری پئی سہکدی، اَج کَیدو چڑھیا رنگ اَج تخت ہزارے ڈھے گئے، اَج اُجڑیا تیرا جَھنگ اَج بیلے ہو گئے سُنجڑے، اَج سُکیا ویکھ چنھاب اَج پِھرن آزُردہ رانجھڑے، اَج کھیڑے کر دے چاء اَج ٹُٹی ونجݪی پریت دی، اَج مُکے سُکھ دے گِیت بَݨ جوگی دَر دَر ٹوݪھیا، سانوں کوئی نہ مِݪیا مِیت اساں اکھر موتی رول دے اساں در در لاندے واج کوئی لبھے ہیر سیالڑی جہڑی رنگے اپنا تاج ساڈے ہتھ پیالا زہر دا اساں ویلے دے سُقراط اساں کھنڈ بناندے کھار نوں ساڈی جگ تو وکھری بات اٹھ جاگ فریدا ستیا ہن کرکوئی تدبیر جند ہجر کریرے پھس کے اج ہوگئی لیرولیر سانوں چڑھیا تعیا ہجر دا ساڈا کر لئے کوئی توڑ سانوں برہن جوکاں لگیا ساڈا لتاں لہو نچوڑ اساں اپنے ہی گل لگ کے نت پائے سو سو وین ساڈی آہ قسمت نوں چمبڑی اک بھکاں ماری ڈین سانوں لڑدے ٹھوئے یاد دے ساڈا جثہ نیل و نیل سانوں کوڑے کوڑا آکھدے کی دئیے اساں دلیل چل چھڈ ندیمِ قادری ہن کردے پُر کلام توں سیوک بولی ماں دا تیرا جگ تے رہنا نام Singer Ramzan Jani Contact number 03000041239 Facebook: https://www.facebook.com/profile.php?... TikTok: https://www.tiktok.com/@singerramzanj... Instagram: Instagram.com/ramzanjanisinger #ramzanjani #singerramzanjani #ramzanjanisinger #foryou #trending