შვილმოკლული მშობლები სისტემის წინააღმდეგ - ღია სივრცე [21.02.2026] скачать в хорошем качестве

შვილმოკლული მშობლები სისტემის წინააღმდეგ - ღია სივრცე [21.02.2026]

გიგა ავალიანის მკვლელობამ, მისი ოჯახის თავგანწირულმა ბრძოლამ სამართლის მისაღწევად უამრავი ჭრილობა ხელახლა გახსნა. მხოლოდ ჭირისუფლების ორგანიზებული, ხმაურიანი აქციების შემდეგ სახელმწიფო ბრალდება ამოქმედდა და ახალგაზრდა მასწავლებელზე თავდამსხმელებს შესაბამისი ბრალი წარუდგინა. როგორც კი 22 წლის ნიკო კვარაცხელიას დედამ შვილმოკლული მშობლების აქცია დააანონსა, პროკურატურამ 5 წლის წინანდელი შეკვეთილი მკვლელობის საქმე 48 საათში „გახსნა“ და ამ დანაშაულის ის ფიგურანტები დაასახელა, რომელთა შესახებ გამოძიებამაც და ოჯახმაც 5 წელია, ყველაფერი იცის. გუშინ დილით პროკურატურაში განცხადება შეიტანეს თამარ ბაჩალიაშვილის მშობლებმა. ისინი დახურული საქმის ხელახლა გამოძიებას ითხოვენ. თამარ ბაჩალიაშვილი 2020 წლის 18 ივლისს დაიკარგა. ოთხდღიანი ძებნის შემდეგ მისი ცხედარი თეთრიწყაროს მუნიციპალიტეტში, სოფელ მაწევნის ტერიტორიაზე საკუთარ ავტომობილში ნახეს. მაშინ საზოგადოებისთვის ბოლომდე გასაგებიც არ იყო, რას წარმოადგენდა ქოლცენტრები. დღეს კი ცნობილია, რომ ამ თაღლითურ ბიზნესში უზარმაზარი შავი ფული ბრუნავდა და მის უკან უმაღლესი თანამდებობის პირები იდგნენ. თამარი სწორედ ქოლცენტრში მუშაობდა. საქმე რომ იკერებოდა, ეს მხოლოდ მისი ოჯახის ეჭვი არ იყო. თავად გამომძიებელმა ისაუბრა, როგორ ყალბდებოდა საქმე. ის გამომძიებელი, ცხადია, პასუხისგებაში მისცეს. თამარი - თვითმკვლელად, მოტივად კი მისი არამდგრადი ფსიქიკა გამოაცხადეს და საქმე დახურეს. • სიუჟეტში - თამარ ბაჩალიაშვილის მშობლები; ბოლო კვირებში გაგვახსენდა არაერთი გაუხსნელი მკვლელობა, რომელზეც შედეგი სხვადასხვა მიზეზით არ დადგა. საქმეები ან იმის გამო იკერებოდა, რომ დამნაშავეებს მაღალჩინოსნები მფარველობდნენ, ან იმის გამო იფარცხებოდა, რომ თავად მაღალჩინოსნები იყვნენ კავშირში. ამ წლების განმავლობაში თაროზე იდებოდა დაუდევრობის, არაპროფესიონალიზმის, პროფესიული გულგრილობის გამო გამოუძიებელი საქმეებიც. ერთ-ერთი ასეთი კი იყო სულის შემძვრელი ტრაგედია, რომელიც 3 წლის წინ დიდ დიღომში მოხდა. რამდენიმესაათიანი ძებნის შემდეგ დედამ 12 წლის ანი გარდაცვლილი იპოვა. გამოძიებას ამ დრომდე არ დაუდგენია, ანი უბედური შემთხვევით გარდაიცვალა თუ მოკლეს. • სტუდიაში სტუმრად - ნატო ხუტაშვილი, ანი იანუშაიტიტეს დედა. როდესაც გაუხსნელ მკვლელობებზე ვსაუბრობთ და სამართალზე, რომელსაც ჭირისუფალმა ვერ მიაღწია, როდესაც ვსაუბრობთ, როგორი ბრძოლის ფასად, როგორ ძალისხმევად უჯდება ადამიანს დამნაშავე სისტემის პასუხისგება, პირველ რიგში მალხაზ მაჩალიკაშვილი გაგახსენდებათ. 19 წლის თემირლან მაჩალიკაშვილი საწოლში მოკლეს - მას სპეცრაზმელის ტყვია თავში მოხვდა. „ჯერ დამარცხებული ვარ, ამათ მომიგეს ეს ბრძოლა, მაგრამ ეს ბრძოლა ხომ გრძელდება?! ამას ბოლო ხომ ექნება, როცა ექნება“ - ამბობს თემირლანის მამა. • მალხაზ მაჩალიკაშვილის საქართველოს ამბავი რა ხდება სამართალდამცავ სისტემაში და რა ხდება თბილისის ქუჩებში. ორი დღის წინ, სასამართლოს ეზოში წარმოუდგენელი სანახაობის მომსწრე გავხდით. ერთი კრიმინალის მხარდამჭერმა დაჯგუფებამ მეორე კრიმინალის ხალხის წინააღმდეგ მასობრივი წინააღმდეგობა მოაწყო. პოლიცია კი ამ ვაკხანალიაში ძალიან უმწეოდ გამოიყურებოდა. არადა, როდესაც თავყრილობის მიზეზი პოლიტიკურია და შეკრება აბსოლუტურად მშვიდობიანი, ძალოვნები არაადეკვატური ძალით გამოჰყავთ და ხელისუფლება აბსოლუტური კონტროლის დამყარებას ცდილობს. რა სტანდარტია ეს თავაშვებული კრიმინალის ქვეყანაში, სადაც პირველი პირები, რომლებსაც დამნაშავეები უნდა გამოევლინათ, თავად გამოცხადდნენ ბოროტმოქმედებად, ან ძებნაში არიან, ან საერთოდ - ციხეში. • სტუდიაში სტუმრად - უფლებადამცველი, იურისტი ტატო ქელბაქიანი; • სახალხო დამცველის ყოფილი მოადგილე, გიორგი ბურჯანაძე.