ಭಾರತದಲ್ಲಿ ಎಪ್‌ಸ್ಟೀನ್ ಫೈಲ್ಸ್ ತಲ್ಲಣಕ್ಕೆ ಕ್ಷಣಗಣನೆ..! скачать в хорошем качестве

ಭಾರತದಲ್ಲಿ ಎಪ್‌ಸ್ಟೀನ್ ಫೈಲ್ಸ್ ತಲ್ಲಣಕ್ಕೆ ಕ್ಷಣಗಣನೆ..!

ಡಿಸೆಂಬರ್ 19ಕ್ಕೆ ಲೈಂಗಿಕ ಹಗರಣವೊಂದರ ಫೈಲ್ ಅಮೆರಿಕದಲ್ಲಿ ಸಾರ್ವಜನಿಕಗೊಳ್ಳಲಿದೆ. 'ಎಪ್‌ಸ್ಟೀನ್ ಫೈಲ್ಸ್' ಹೆಸರಿನ ಆ ಕಡತಗಳು ಸಾರ್ವಜನಿಕಗೊಳ್ಳುವುದರಿಂದ ಭಾರತದ ರಾಜಕಾರಣದಲ್ಲೂ ತಲ್ಲಣ ಉಂಟಾಗಲಿದೆ ಎಂದು ಹೇಳಲಾಗುತ್ತಿದೆ. ಅಮೆರಿಕದಲ್ಲಿ ಅಪ್ರಾಪ್ತ ಬಾಲಕಿಯರ ಸೆಕ್ಸ್ ದಂಧೆ ನಡೆಸುತ್ತಿದ್ದ ಪವರ್ ಬ್ರೋಕರ್ ಈ ಜೆಫ್ರೀ ಎಪ್‌ಸ್ಟೀನ್. ಈತನ ವಿರುದ್ಧ ದೂರು ದಾಖಲಾಗಿ ಅರೆಸ್ಟ್ ಆಗಿದ್ದಾಗ 2019ರಲ್ಲಿಯೇ ಆತ ಜೈಲಿನಲ್ಲಿ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾನೆ. ಆದರೆ, ಅದಕ್ಕಿಂತ ಮೊದಲು ಆತ ನೀಡಿದ ತಪ್ಪೊಪ್ಪಿಗೆ, ಆತನಿಂದ ಲೈಂಗಿಕ ಶೋಷಣೆಗೊಳಗಾದ ಸಂತ್ರಸ್ತೆಯರು ನೀಡಿದ ಹೇಳಿಕೆಗಳು ಮತ್ತು ತನಿಖಾಧಿಕಾರಿಗಳು ಸಂಗ್ರಹಿಸಿದ ದಾಖಲೆಯೇ ಈ 'ಎಪ್‌ಸ್ಟೀನ್ ಫೈಲ್ಸ್'. ಸುಮಾರು 300 ಜಿಬಿ ಡೇಟಾ, 95 ಸಾವಿರಕ್ಕೂ ಅಧಿಕ ಅಶ್ಲೀಲ ಫೋಟೊ, ವೀಡಿಯೊಗಳು, ಇಮೇಲ್, ಪಿಡಿಎಫ್‌ಗಳು ಈ ಕಡತದಲ್ಲಿವೆ ಎನ್ನಲಾಗಿದೆ. ಇದರಲ್ಲಿ ಅಮೆರಿಕದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಸೇರಿದಂತೆ ವಿಶ್ವದ ನಾನಾ ರಾಷ್ಟ್ರಗಳ ಮುಖ್ಯಸ್ಥರು, ಉದ್ಯಮಿಗಳು, ಸೆಲೆಬ್ರಿಟಿಗಳು, ಪ್ರಭಾವಿಗಳ ಹೆಸರುಗಳಿವೆ, ಇವರೆಲ್ಲರೂ ಆತನ 'ಸೆಕ್ಸ್ ದಂಧೆ'ಯ ಫಲಾನುಭವಿಗಳು ಎಂದು ಹೇಳಲಾಗುತ್ತಿದೆ. ಈ ಫೈಲ್‌ನಲ್ಲಿ ಕೇಂದ್ರ ಸಚಿವ ಹರದೀಪ್ ಪುರಿ, ಉದ್ಯಮಿ ಅನಿಲ್ ಅಂಬಾನಿ ಸೇರಿದಂತೆ ಇನ್ನೂ ಅನೇಕ ಭಾರತೀಯ ಪ್ರಭಾವಿಗಳ ಹೆಸರುಗಳಿವೆ ಎಂದು ಅಮೆರಿಕದ ಮಾಧ್ಯಮಗಳು ವರದಿ ಮಾಡಿವೆ. ಪ್ರಧಾನಿ ನರೇಂದ್ರ ಮೋದಿ ಅವರು ಜೆಫ್ರೀ ಎಪ್‌ಸ್ಟೀನ್ ಸಂಪರ್ಕದಲ್ಲಿದ್ದರು ಎನ್ನಲಾಗಿದ್ದು, ಅದೇ ಕಾರಣಕ್ಕೆ ಈ ಕಡತದ ಬಗ್ಗೆ ಭಾರತದಲ್ಲೂ ತೀವ್ರ ಕುತೂಹಲ, ಆತಂಕ ಮನೆ ಮಾಡಿದೆ.