TRAĠEDJA LI TQARRAS L-IMĦABBA скачать в хорошем качестве

TRAĠEDJA LI TQARRAS L-IMĦABBA

ONE.COM.MT • Fil-knisja ta’ Għajn Dwieli f’Raħal Ġdid ingħatat l-aħħar tislima lil Chantelle Chetcuti. Bint u omm żgħażugħa li ttieħdiet kmieni wisq wara li ġiet attakata b’sikkina l-Ħadd li għadda. Fis-skiet tal-knisja mal-għeżeż tagħha intemmet l-istorja tagħha. Storja li fi tmiemha ħalliet soċjetà imqanqla kontra l-vjolenza domestika li imbikkma reġgħet ġiet imfakkra f’kemm l-imħabba tista’ iġġib tbatija fis-skiet tad-dar. KITBA: COLIN DEGUARA FILMAT: ALEX BORG Mat-tokki tas-siegħa u nofs ta’wara nofsinhar bdiet timtela’ l-knisja ta’ Għajn Dwieli f’Raħal Ġdid minn qraba li b’qalb maqsuma riedu jagħtu l-aħħar tislima lil bint u omm żgħażugħa li itteħditilhom kmieni wisq. Chantelle Chetcuti mietet it-Tnejn fl-età ta’ 34 sena wara li ġiet attakkata b’sikkina barra l-Klabb tal-Futbol f’Ħaż-Żabbar il-Ħadd filgħaxija. L-eks sieħeb tagħha qiegħed jaffaċja akkużi b’rabta mal-qtil traġiku tagħha. Fl-omelija l-kappillan ta’ Ħal Safi, Fr. David Farrugia irringrazzja lil Chantelle li wara mewtha se jirnexxielha tqajjem fil-poplu Malti apprezzament sinċier lejn id-don tal-ħajja u disprezz lejn il-vjolenza domestika. FR. DAVID FARRUGIA KAPPILLAN ĦAL SAFI “Jeħtieġ nieħdu dejjem aktar pożizzjoni ċara li m’għandha qatt tkun ittolerata l-vjolenza fl-ebda ambjent, aħseb u ara f’dak domestiku, ħalli fl-ebda ambjent u ċirkostanza ma jkollna vittmi:kemm nisa, u tfal qed jispiċċaw ibatu ħafna drabi fis-skiet u l-biżà! Kemm b’mod umiljanti anke rġiel qed isofru imma jsibuha wisq itqal jitkellmu.” Dan kien każ li qajjem bosta sentimenti fis-soċjetà maltija b’bosta jgħidu tagħhom fuq pjattaformi differenti. Lil hinn mill-kummenti u l-attenzjoni tas-soċjetà, l-għeżeż persuni ta’ Chantelle issa tħallew waħidhom biex fis-skiet isellmulha għall-aħħar darba u jibqgħu jgħożżu kull memorja li għandhom tagħha. Is-skiet inkiser b’ċapċipa fl-aħħar tal-quddiesa li dwiet hekk kif it-tebut tagħha inħareġ mill-knisja. Ċapċipa li tagħti leħen lit-tbatija ta’ mara li għaddiet minn dan kollu fis-skiet, sforz l-imħabba li minflok sostnietha spiċċat ħaditha kmieni wisq.