Ermənistan bu şərti qəbul etdikdən sonra Azərbaycanla Sülh Sazişi istənilən vaxt imzalana bilər скачать в хорошем качестве

Ermənistan bu şərti qəbul etdikdən sonra Azərbaycanla Sülh Sazişi istənilən vaxt imzalana bilər

"Bu gün Ağ Evdə paraflanan Sülh Sazişi əminəm ki, artıq bölgəyə sülh gətirib". Dövlət başçısı bildirib ki, Ermənistanın ev tapşırıqları da var: “Bildiyiniz kimi, onların Konstitusiyasında Azərbaycana qarşı olan ərazi iddiası məsələsi imkan vermədi ki, bu gün Sülh Sazişi imzalansın. Amma bu dəyişikliklər ediləndən sonra Sülh Sazişi istənilən vaxtda imzalana bilər”. "Bu gün mən bəzi suallara münasibətimi bildirəndə dedim ki, Azərbaycan və Ermənistan rəhbərləri bu paraflamanı Ağ Evdə etməyi qəbul ediblərsə, deməli, hesab etmək olar ki, bölgəmizə dayanıqlı sülh gəlib”. Dövlət başçısı bildirib ki, bu, həm Azərbaycan, həm Ermənistan, həm bütün bölgə üçün xüsusi əhəmiyyətə malik olan məsələdir: “Bugünkü gün buna görə tarixi gün sayıla bilər. Həm Azərbaycan-Amerika ikitərəfli münasibətlərinin inkişafında atılan addımlar, həm Azərbaycan Ermənistan normallaşması işində atılan addımlar və Birgə Bəyannamənin imzalanması, dünyanın ən qüdrətli dövləti olan Amerika Prezidentinin buna dəstəyi və şahidlik etməsi bu Sazişin önəmini bir daha göstərir. Mən bu gün qeyd etdim ki, biz dünyanın bir nömrəli paytaxtında, dünyanın bir nömrəli ofisində dünyanın ən qüdrətli Prezidentinin iştirakı ilə bunu etdik. Və əlbəttə ki, hər kəs başa düşür ki, bunun nə qədər böyük əhəmiyyəti var. Həm ölkəmiz üçün, həm bölgə üçün, həm geniş coğrafiya üçün. Biz müharibə yolu ilə haqq-ədaləti bərpa etdik. İndi də buna siyasi müstəvidə nöqtəni də qoyduq". Bizi İzləyin: Whatsapp: https://bit.ly/457kdup Facebook: https://bit.ly/3H6GtMT Instagram: https://bit.ly/46wEkoi Teleqram: https://bit.ly/3INUKP2 Sayt: https://bit.ly/3UzGQme Copyright © İCTİMAİ TV