ΠΡΟΣ ΤΙΝΑ ΚΑΤΑΦΥΓΩ ΑΛΛΗΝ ΑΓΝΗ ΠΟΥ ΠΡΟΣΔΡΑΜΩ ΛΟΙΠΟΝ ΚΑΙ ΣΩΘΗΣΟΜΑΙ скачать в хорошем качестве

ΠΡΟΣ ΤΙΝΑ ΚΑΤΑΦΥΓΩ ΑΛΛΗΝ ΑΓΝΗ ΠΟΥ ΠΡΟΣΔΡΑΜΩ ΛΟΙΠΟΝ ΚΑΙ ΣΩΘΗΣΟΜΑΙ

Πρὸς τίνα καταφύγω ἄλλην Ἁγνή; που προσδράμω λοιπὸν καὶ σωθήσομαι; που πορευθῶ; ποίαν δὲ ἐφεύρω καταφυγήν; ποίαν θέρμην ἀντίληψιν; ποίαν ἐν ταῖς θλίψεσι βοηθόν; Εἰς σὲ μόνην ἐλπίζω, εἰς σε μόνην καυχῶμαι, καὶ ἐπὶ σὲ θαῤῥῶν κατέφυγον. Οὐκ ἐστιν ἀριθμήσασθαι δυνατὸν μεγαλεία τὰ σά, Θεονύμφευτε, καὶ τὸν βυθόν τὸν ἀνεξερεύνητον ἐξειπεῖν, τῶν ὑπὲρ νοῦν θαυμάτων σου, τῶν τετελεσμένων διηνεκῶς, τοῖς πόθῳ σε τιμῶσι, καὶ πίστει προσκυνοῦσιν, ὡς ἀληθῆ Θεοῦ λοχεύτριαν. Ἐν ὕμνοις εὐχαρίστοις δοξολογώ, καὶ γεραίρω τὸ ἄμετρον ἔλεος, καί τὴν πολλὴν δύναμιν σου πᾶσιν ὁμολογῶ, καὶ τὰς εὐεργεσίας σου, ἃς ὑπερεκένωσας εἰς ἐμέ, κηρύττω, μεγαλύνω, ψυχὴ τε καὶ καρδία, καὶ λογισμῷ καὶ γλώσσῃ πάντοτε. Τὴν δέησιν μου δέξαι τὴν πενιχράν, καὶ κλαυθμὸν μὴ παρίδῃς καὶ δάκρυα καὶ στεναγμὸν ἀλλ’ ἀντιλαβοῦ μου ὡς ἀγαθή, καὶ τὰς αἰτήσεις πληρῶσoν δύνασαι γὰρ πάντα ὡς πανσθενοῦς, Δεσπότου Θεοῦ Μήτηρ, εἰ νεύσεις ἔτι μόνον, πρός τὴν ἐμὴν οἰκτρὰν ταπείνωσιν.