Tv Klan - Përplasje Hungari – BE, nga refuzimi për heqjen e imunitetit te Ukraina скачать в хорошем качестве

Tv Klan - Përplasje Hungari – BE, nga refuzimi për heqjen e imunitetit te Ukraina

Hungaria dhe Bashkimi Europian vijojnë përplasjet politike në disa fronte, duke thelluar një raport që prej vitesh karakterizohet nga tensione të vazhdueshme. Episodi më i fundit erdhi këtë javë, kur Parlamenti hungarez miratoi një rezolutë me 142 vota pro dhe vetëm 28 kundër, që kundërshton anëtarësimin e Ukrainës në Bashkimin Europian. Rezoluta thekson se anëtarësimi mund të rrisë rrezikun e përfshirjes direkte të Unionit në konfliktin me Rusinë dhe i kërkon qeverisë hungareze të kundërshtojë financimin e mëtejshëm të luftës nga Europa. Por përshkallëzimi i tensioneve mes Budapestit dhe Brukselit kulmoi në tetor të vitit të kaluar dhe lidhet me çështjen e imunitetit të disa eurodeputetëve. Parlamenti Europian refuzoi kërkesën e autoriteteve hungareze për të hequr imunitetin e tre eurodeputetëve: liderit të opozitës hungareze, Péter Magyar, eurodeputetes italiane Ilaria Salis dhe politikanes hungareze Klára Dobrev. Vendimi u mor mes debateve të forta, me argumentin se ekzistojnë dyshime për pavarësinë e sistemit të drejtësisë në Hungari dhe se kërkesat ishin të motivuara politikisht. Por Budapesti e akuzoi Brukselin për pengim të drejtësisë. Rasti më i diskutuar ishte ai i Ilaria Salis, ku rezultati ishte shumë i ngushtë. Në një votim të fshehtë, 306 eurodeputetë votuan për të mbrojtur imunitetin e saj dhe 305 votuan kundër, duke e kthyer vendimin në një nga më të tensionuarit e këtij mandati parlamentar. Autoritetet hungareze kërkonin që Salis të gjykohej për një rast të dyshuar dhune ndaj dy militantëve të ekstremit të djathtë gjatë një proteste në Budapest në vitin 2023. Aktivistja italiane kishte kaluar më shumë se 15 muaj në paraburgim përpara se të zgjidhej eurodeputete në zgjedhjet europiane të vitit 2024, gjë që i siguroi imunitetin parlamentar dhe lirimin nga burgu. Votimi i Parlamentit Europian u kritikua ashpër nga kryeministri hungarez Viktor Orbán, i cili akuzoi institucionet europiane për ndërhyrje politike dhe për mbrojtje të kundërshtarëve të tij politikë nga ndjekja penale në vendin e tyre. Me vetëm disa javë nga zgjedhjet parlamentare, debati mbi imunitetin parlamentar dhe lufta në Ukrainë janë kthyer në një simbol të përplasjes mes Hungarisë dhe Bashkimit Europian, ku për herë të parë Brukseli po akuzohet hapur nga një vend anëtar se po pengon drejtësinë për qëllime të pastra politike. SUBSCRIBE to “RTV KLAN” on YouTube for more videos! Email: info@tvklan.al Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/