កម្មពិធីកោរសក់បំបួសថេរវាទសាមណេរីខ្មែរនូវថ្ងៃទី៣០ ខែមេសា ឆ្នាំ២០២២ នៅប្រទេស ម៉ាឡេស៊ី ភាគ១ скачать в хорошем качестве

កម្មពិធីកោរសក់បំបួសថេរវាទសាមណេរីខ្មែរនូវថ្ងៃទី៣០ ខែមេសា ឆ្នាំ២០២២ នៅប្រទេស ម៉ាឡេស៊ី ភាគ១

ស្ត្រីខ្មែរ៣នាក់បានបួសជាថេរវាទសាមណេរីនូវថ្ងៃទី៣០ ខែមេសា ឆ្នាំ២០២២ នៅ វត្តឈ្មោះ Brahmavihara and Meditation Retreat Centre ទីក្រុង ម៉ាឡាកា ប្រទេស ម៉ាឡេស៊ី។ ស្ត្រីខ្មែរទាំង៣នាក់បានរក្សារសីលជាដូនជីពីពីរឆ្នាំទៅប្រាំឆ្នាំមុនរួចហើយនៅស្រុកខ្មែរមុននឹងមកបួសជាថេរវាទសាមណេរីនៅប្រទេសម៉ាឡេស៊ីនេះ។ ពួកគាត់បានវឹកហាត់រៀនត្រៀមខ្លួនបួសបីថ្ងៃមុននឹងបួស ហើយវឹកហាត់រៀនបន្តជាសាមណេរី៨ថ្ងៃបន្ទាប់ពីបានបួសហើយ ជាមួយស្ត្រីសាសន៍ដទៃ៣៩នាក់់ទៀត។ ឧបជ្ឈារបស់សាមណេរីខ្មែរទាំង៣អង្គគឺជាប្រធានតុលាកាសង្ឃនៃប្រទេស ម៉ាឡេស៊ី ឈ្មោះ លោកម្ចាស់ ប៊េ ស្រី សារានន្ការា នាយក មហាថេរៈ (Ven. B. Sri Saranankara Nayaka Mahathero) ចំណែកធម្មាចារ្យគឺលោកម្ចាស់ ភិក្ខុ បណ្ឌិត ធម្មបាលា​ (Ven. Dr. Dhammapala) ដែលជាព្រះចៅអធិការវត្ត Brahmavihara and Meditation Retreat Centre និង ធម្មាចារិនី គឺ ភិក្ចុនី សុមង្គលា (Ven. Sumangala Bhikkhuni) ជាព្រះចៅអធិការវត្តភិក្ខុនីឈ្មោះ វិហារ អរិយ សមាគមពុទ្ធសាសនា (Ariya Vihara Buddhist Society) ព្រមទាំង ជំនួយ ធម្មាចារិនី គឺ ភិក្ខុនីខ្មែរទី១ លោកម្ចាស់​ មេត្តាជីវី (Ven. Mettajivi Bhikkhuni)។ បន្ទាប់ពីកម្មពិធីបំបួសបានចប់ហើយ សាមណេរីខ្មែរទាំង៣អង្គបានបន្តវឹកហាត់រៀនសូត្រអំពីថេរវាទភិក្ខុនីធម្មាចារិនី លោកម្ចាស់ភិក្ខុនី សុមង្គលា នៅវត្តភិក្ខុនីឈ្មោះ វិហារ អរិយ នៅទីក្រុង កូឡាឡាំពួរ ប្រទេស ម៉ាឡេស៊ី រហូតមកដល់សព្វថ្ងៃនេះ ហើយនឹងបន្តវឹកហាត់អំពីព្រះភិក្ខុនី សុមង្គលា ប្រហែល១ទៅ២ខែទៅមុខទៀត ដោយមានភិក្ខុនីខ្មែរទី១ គង់នៅជាជំនួយក្នុងការរៀនសូត្រនេះផងដែរ។ សូមសំណាងល្អដល់សាមណេរីខ្មែរទាំង៣អង្គ! សូមអនុមោទនាដល់សាមណេរីខ្មែរទាំង៣អង្គ! បណ្ឌិត អ៊ូច ម៉ាល័យ