Magali скачать в хорошем качестве

Magali

La cansoun « Magali » qu’es tambèn un tros de l’obro de Frederi Mistral, « Mirèio. » Aquelo es uno versioun de Pèire Lamy de 1930. Bono escouto ! Paraulo prouvençalo: – O Magali, ma tant amado Mete la tèsto au fenestroun ! Escouto un pau aquesto aubado De tambourin e de vióuloun. Es plen d'estello, aperamount ! L'auro es toumbado, Mai lis estello paliran, Quand te veiran ! – Pas mai que dóu murmur di broundo, De toun aubado iéu fau cas ! Mai iéu m'en vau dins la mar bloundo Me faire anguielo de roucas. – O Magali, se tu te fas Lou pèis de l'oundo, Iéu, lou pescaire me farai, Te pescarai ! – Oh ! mai, se tu te fas pescaire, Ti vertoulet quand jitara, Iéu me farai l'aucèu voulaire, M'envoularai dins li campas. – O Magali, se tu te fas L'aucèu de l'aire, Iéu lou cassaire me farai, Te cassarai. – I perdigau, i bouscarido Se vènes, tu, cala ti las; Iéu me farai l'erbo flourido E m'escoundrai dins li pradas. – O Magali, se tu te fas La margarido, Iéu l'aigo lindo me farai, T'arrousarai !