Canterbury Zinna (15 & 16 August 2024) скачать в хорошем качестве

Canterbury Zinna (15 & 16 August 2024)

UK Zofate Chairman, Dr Thangura Zadeng-te chhungkaw duhsakna azarah UK khawpui pawimawh berte zinga mi Canterbury tlawhin kan nupain kan zin a. Pu Thaa chhungkaw bulah ni hnih (August 15-16, 2024) kan cham a. Nuam kan ti ham ham khawp mai. Pu Thaa-te chhung an felin an bula khawsak a nuam a, kan hun hman kan kham lo hle. Pu Thaa nupui, Pi Mahriati hi Mizo lengzem hla nalh leh lar berte zinga mi, Sailova larpui “Aw Hmeltha” phuah chhan ngei kha a ni nghe nghe a! Phuah chhan tlak rengin a hmel a that piah lamah a rilru thlengin a thain a mawi tel a. Doctor fel leh tuak zet Pu Thaa nupui ni tur renga mawi a lo ni ngei chhap e! Fanu pahnih leh fapa pakhat neiin Canterbury-ah hian an inbengbel a. An in leh hmun a nuamin a mawi a, Eden huan mawina kaihthawh leh ni mai awm hialin an huan pangpar vulte chu an mawi a. Pu Thaa leh Pi Mahriatite nupa taimak zia a lang chiang hle. UK-a hetianga Mizo nupa, chhungkua chhuanawm tak an awm hian Mizo hmel an timawi tak zet a, kan chhuang hle a ni. Video hi en la, Canterbury leh Pu Thaate chhungkaw mawina chu han thlir ve teh le.