Hmingdailova Hmar Leiri - Kan nghâk reng che kan Lalber скачать в хорошем качестве

Hmingdailova Hmar Leiri - Kan nghâk reng che kan Lalber

Pu Hmingdailova Hmar Leiri hi rimawi ngainaa tuipûi êm êm tu niin, kum 1965 khan Harmony tûmin ṭhinin, kum 1970 kha mipui hmaa ṭingṭang tûma a dinchhuah hmasak ber a ni. Tual chhung leh khaw pawn lamah te ṭingṭang tumin sawmna a dawng fo va, amaherawhchu, kum - 2007 khan vanduaina tawkin a kut ding lam chu tan ṭhen hial ngaiin a lo awm ta ni. . 17.Feb.2007 (Inrinni) a ni a, chawhma dar 11 velah chuan a lo vahnaah a thing kih pakhat chu electric hruiah a tlu tâng a, chu thing tlu tâng chu hawlh thlak tumin a chemin thing chu a hawlh a, a chem fawng keh avangin a lo hîm tawk lo bawk si lo a, vanduaithlak takin electric chuan a man ta a ni. . Saitual damdawiinah luhpui niin a hnuah Civil Hospital Aizawl panpui leh niin hetah hian Dr.Thangchungnunga'n lo buaipuiin, a thawhpuite nen theihtawp an chhuah a, amaherawhchu, electric in a manna sulhnu a nat êm avangin a kut ding lam chu a chân ta tho a ni. . A vanduaina tawh avangin a kut chân tawh mah se, rimawi chuan amahah hmun a la chang reng tho a, bansan a tum chuang lo. Kum 2014 a lo herchhuah a thinlung luah tlattu rimawi chu a khawih chhunzawm leh theih na'n amah hmangaihtu ten theihtawpin an buaipui a, a kutṭang aia hman turin hmanrua an siam a, chu thil chu hman dan zir ve lehin a tumruhna chu Pathianin mal a sawm a, Video 12 lai a puitlin thei a ni. . Mi tumruh tak chuan amaha harsatna lo thleng te avanga beidawng mai loin, kawng dang a awm ang tiin hma lam a pan zel a, a tawpah chuan chu kawng chu hmuin a lo dingchhuak nge nge ṭhin a ni.