CHRISTUS VINCIT: KA JINGRWAI PHANGPDENG JONG KA PARISH MADANRTING. NONGSHNA: AUGGIE KHRAWLANG WARBAH скачать в хорошем качестве

CHRISTUS VINCIT: KA JINGRWAI PHANGPDENG JONG KA PARISH MADANRTING. NONGSHNA: AUGGIE KHRAWLANG WARBAH

CHRISTUS VINCIT KA JINGRWAI PHANGPDENG JONG KA PARISH U KHRIST U SYIEM MADANRTING La shna ha ka Kamra Treikam jong u Nongsharai Synrop jong ka Parish jong u Khrist u Syiem, Madanrting Ha ka Sngi u Trai Laitïa Baarphewhynñiew, ka 6ik Risaw 2024, por 19.05-19.55 hours Ïa ki ktien bad ka sur la shna da u Auggie Benvitason Khrawlang Warbah Ïa ki saw sur la pynbeit ryntih da u Auggie Benvitason Khrawlang Warbah La Rwai da "KA SUR BLEI JONG KI KHERUBIM", KA KYNHUN RWAI JONG KI KHYNNAH BARIT jong ka Balang Katholik, Shnong Madanrting, ha ka Sngi u Trai jong ka Jingaiti ïa u Trai ha ka Tempyl, ka 2ik u Rymphang 2025, ka Sngi Proseshon Ïukharis Banyngkong jong ka Parish Madanrting Key A Ïa Me, ko Khrist, u Syiem bad u Nongsiewspah, Ka jingïaroh ngi wanrah. Synshar ïa ki jingim jong ngi, Khrist ko Trai, Ha Me la burom ngi ai. Khorus 1: Christus vincit, Christus regnat, Christus nos imperat! To synshar, to jop, to hukum ïa ka jingim jong ngi. Ko Khrist Jisu, ko Syiem, Ko Nongpynim jong ngi, Ïa ngi ïalam lynti. 2. Ïa Me, ko Khrist Jisu, u Nongpynïasuk, Me wan ha ka jinglongduk. Ïada ïa ngi na u nongshun jong ka Mynsiem, Pyllait ïa ngi na jingtriem. Khorus: 2 Madanrting, Parish u Khrist u Syiem, Ngin nang roi ha ka jingim mynsiem. Ngin ïalong kawei, bad ngin ieid ïa Me, ko Trai ko Blei, Bad ngin ïaieid keiñ markylliang, Ïa ka jingjop jong u Khrist ngin pynphriang. (Interlude) 3. Da ka jingieid, jingsuk ïa ngi to tehsong, Ïa ngi kawei to pynlong. Ngin ieid, shakri bad bud tang ïa Me, Jisu; Thehsei ha ngi jingkyrkhu. Khorus 1: Christus vincit, Christus regnat, Christus nos imperat! To synshar, to jop, to hukum ïa ka jing-im jong ngi. Ko Khrist Jisu, ko Syiem, Ko Nongpynim jong ngi, ïa ngi ïalam lynti. Khorus 2: Madanrting, Parish u Khrist u Sylem, Ngin nang roi ha ka jingim mynsiem. Ngin ïalong kawei, bad ngin ieid ïa Me, ko Trai ko Blei, Bad ngin ïaieid keiñ markylliang, Ïa ka jingjop jong u Khrist ngin pynphriang. +-==-+