မူးယစ်နဲ့စွပ်စွဲခံထားရတဲ့ DKBA တပ်ရင်းမှူးကိုရဲထံစေလွှတ်တာမရှိသေးလို့သိရ скачать в хорошем качестве

မူးယစ်နဲ့စွပ်စွဲခံထားရတဲ့ DKBA တပ်ရင်းမှူးကိုရဲထံစေလွှတ်တာမရှိသေးလို့သိရ

ဇွန် - ၂၁ ၊၂၀၂၀ ဖမ်းဆီးသိမ်းဆည်းရမိတဲ့ မူးယစ်ဆေးဝါးနဲ့ ပတ်သက်တယ်ဆိုပြီး စွပ်စွဲခံထားရတဲ့ DKBA တပ်ရင်းမှူး တစ်ဦးကို ရဲတပ်ဖွဲ့ ထံ စေလွှတ်ရခြင်းမရှိသေးဘူးလို့ ဒီကေဘီအေ ရဲ့ ဘားအံဆက်ဆံရေးရုံးတာဝန်ခံဖြစ်သူက ပြောပါတယ်။ ကရင်လက်နက်ကိုင်အဖွဲ့ DKBA က တပ်ရင်းမှူးအဆင့်ရှိသူတစ်ဦးဟာ ဖမ်းဆီးရမိတဲ့ မူးယစ်ဆေးဝါးတွေနဲ့ ပတ်သက်မှုရှိတယ်လို့ စစ်ဆေးပေါ်ပေါက်တဲ့အတွက် မြန်မာနိုင်ငံရဲတပ်ဖွဲ့ထံကို အမြန်ဆုံးစေလွှတ်ပေးဖို့ ကရင်ပြည်နယ် လုံခြုံရေးနဲ့ နယ်စပ်ရေးရာဝန်ကြီး ဗိုလ်မှူးကြီးမျိုးမင်းနောင်က စာပေးပို့အကြောင်းထားတာပါ။ ဒါပေမယ့် အဲဒီတပ်ရင်းမှူးကို ရဲတပ်ဖွဲ့ထံ စေလွှတ်ရခြင်းမရှိသေးကြောင်းနဲ့ ဒီကိစ္စနဲ့ပတ်သက်ပြီး အထက်အကြီးအကဲတွေထံကနေ ဆက်ဆံရေးရုံးကို အကြောင်းပြန်လာတာ မရှိသေးဘူးလို့ ဒီကေဘီအေ ဘားအံဆက်ဆံရေးရုံးတာဝန်ခံ ဗိုလ်မှူးစိုးမိုးကပြောပါတယ်။ လွိုင်လင် - တောင်ကြီးသွား ကားလမ်း ဟိုတင့်ကျေးရွာအနီးမှာ ၁၂ ဘီးမော်တော်ယာဉ်ပေါ်က ICE ၁၆၁၅ ကီလို သိမ်းဆည်းရမိခဲ့တာပါ။ ဒီမူးယစ်ဆေးဝါးတွေဟာ DKBA ၉၀၃ တပ်ရင်းက တပ်ရင်းမှူးအဆင့်ရှိ စောအေဝမ်းနဲ့ ပတ်သက်နေတယ်လို့ စစ်ဆေးပေါ်ပေါက်ခဲ့တဲ့အတွက် သူ့ကို ရဲတပ်ဖွဲ့ထံကို အမြန်ဆုံးစေလွှတ်ပေးဖို့ ကရင်ပြည်နယ် လုံခြုံရေးနဲ့ နယ်စပ်ရေးရာဝန်ကြီး ဗိုလ်မှူးကြီးမျိုးမင်းနောင်က ဇွန် ၈ ရက်နေ့က ဒီကေဘီအေ ဘားအံဆက်ဆံရေးရုံးကို စာပေးပို့ခဲ့တာပါ။ ဖြစ်စဉ်နဲ့ပတ်သက်ပြီး မေးမြန်းဖို့ ကရင်ပြည်နယ် လုံနယ်ဝန်ကြီး ဗိုလ်မှူးကြီးမျိုးမင်းနောင်ထံကို ဆက်သွယ်ရာမှာ အဆက်အသွယ်မရခဲ့ပါဘူး။ အဲ့ဒီဖမ်းဆီးရမိတဲ့ မူးယစ်ဆေးဝါးတွေဟာ တပ်ရင်းမှူးစောအေဝမ်းနဲ့ ပတ်သက်မှုရှိမရှိကို စိစစ်သွားမှာဖြစ်ပြီး နယ်လုံဝန်ကြီးရဲ့ အကြောင်းကြားစာဖော်ပြချက်အတိုင်း မူးယစ်ဆေးဝါးနဲ့ ပတ်သက်နေတယ်ဆိုပါက တရားဥပဒေအတိုင်း ဆောင်ရွက်သွားရမှာဖြစ်တယ်လို့ ဒီကေဘီအေအရာရှိတစ်ဦးက ပြောကြားထားတာရှိပါတယ်။ DKBA ဟာ တစ်နိုင်ငံလုံးပစ်ခတ်တိုက်ခိုက်မှုရပ်စဲရေး သဘောတူစာချုပ် (NCA) လက်မှတ်ရေးထိုးထားတဲ့ ကရင့်လက်နက်ကိုင်အဖွဲ့တစ်ခုလည်းဖြစ်ပါတယ်။ Subscribe to our channel at https://bit.ly/2CVSP6d Check out our website: http://www.7daydaily.com/ Connect with us at our social media handles: Facebook:   / 7dayonlinetv   Twitter:   / 7day_tv