సీతమ్మ సూచన రాముని సమాధానం скачать в хорошем качестве

సీతమ్మ సూచన రాముని సమాధానం

బ్రహ్మశ్రీ డా. చాగంటి కోటేశ్వరరావు గారిచే "సంపూర్ణ శ్రీ రామాయణ ప్రవచనములు" - 2025 I పదిహేనవ రోజు (08-02-2025) అరణ్యకాండ - మొదటి రోజు ప్రవచనము దేవతలు సైతం ఈ దేశంలోని మహర్షులను దర్శించి వారితో సంభాషించటానికి భూలోకమునకు వచ్చేవారని, అంతటి తపశ్శక్తి సంపన్నులైన మహర్షుల చేతనే ఈ దేశము ఎంతగానో కీర్తించబడిందని పూజ్య గురుదేవులు బ్రహ్మశ్రీ డా. చాగంటి కోటేశ్వరరావు గారు ప్రవచించారు. విశాఖపట్నం కొమ్మాది లోని గాయత్రీ మహిళా ఇంజనీరింగ్ కళాశాలలో జరుగుతున్న సంపూర్ణ శ్రీరామాయణ ప్రవచనములలో భాగముగా అరణ్యకాండ పై వారి ప్రవచనములు ప్రారంభమైనవి. అరణ్యవాస సమయములో రామలక్ష్మణులు విరాధుడు అనే రాక్షసుణ్ణి కలుసుకొనుట, ఆ రాక్షసుని భుజములపై కూర్చుని, చేతులు నరికి, మల్ల యుద్ధములో అతనిని సంహరించుట, తద్వారా అతనికి కుబేరుని వలన కలిగిన శాపము నుండి విమోచనమును కలిగించుట, ఆ తరువాత శ్రీరాముడు అనేకమంది మహర్షులను కలవటం వంటి ఘట్టములపై శ్రీ గురువు గారు ప్రవచనము చేశారు. శ్రీరాముడు శరభంగ మహర్షిని కలవటానికి వెళ్ళినప్పుడు ఆయన ఆశ్రమములో దేవేంద్రుడు నేలకు తగలని ఒక దివ్యమైన రథములో ఉండి శరభంగ మహర్షితో మాట్లాడుట, శ్రీరాముడు రావటమును గమనించి రాక్షస సంహారానంతరము ఆయనను కలుస్తాను అని దేవేంద్రుడు వెళ్ళిపోవుట,ఆ దివ్య పురుషుడు ఎవరు అని శ్రీరాముడు అడిగితే అది దేవేంద్రుడని తాను చేసిన ఘోరమైన తపస్సును గూర్చి తనతో మాట్లాడుతున్నారని శరభంగ మహర్షి చెప్పుట, శ్రీరాముని దర్శించిన తరువాత శరభంగ మహర్షి ఒక గొప్ప అగ్నిలో ప్రవేశించి, తన శరీరమును విడిచి, ఒక దివ్యమైన తరుణ శరీరమును పొంది బ్రహ్మలోకమును చేరుట వంటి ఘట్టములను వివరిస్తూ శ్రీ గురువు గారు మహర్షుల యొక్క గొప్పతనమును తెలియజేశారు. తరువాత సుతీక్ష్ణ మహర్షిని శ్రీరాముడు కలసినప్పుడు ఆయన ఆ దండకారణ్యం లో ఉన్న అనేకమంది మహర్షులను కలవమని శ్రీరామునికి చెప్పగా శ్రీరాముడు దాదాపు పది సంవత్సరముల పాటు ఆ మహర్షుల వద్ద కాలమును గడుపుట ఎంతో గొప్ప విశేషమని వారు ప్రస్తావించారు. ఆ మహర్షులందరూ శ్రీరాముని వద్దకు వచ్చి ఆ అరణ్యములలో ఉన్న ఖర దూషనాది రాక్షసుల వలన తమకు యజ్ఞ, తపోభంగము కలుగుతున్నదని, తమను రక్షించమని కోరగా శ్రీరాముడు తప్పకుండా మహర్షులను రక్షిస్తానని ప్రతిజ్ఞ చేయటం గూర్చి వారు వివరించారు. అప్పుడు సీతమ్మ శ్రీరామునితో వానప్రస్థములో ఉన్న తమకు ఇటువంటి రాక్షసులతో యుద్ధము ఎందుకు అని ప్రశ్నించగా శ్రీరాముడు తన క్షాత్ర ధర్మమును గూర్చి వివరించిన సందర్భం గూర్చి వారు చెప్పుతూ అది సీతమ్మ శ్రీరామునిలో ఉన్న ధర్మ పరిరక్షణ దీక్షను మరింత బలోపేతం చేయటానికి చేసిన ప్రయత్నమని అభివర్ణించారు. శ్రీరాముడు అగస్త్య మహర్షి యొక్క గొప్పతనమును, వాతాపి ఇల్వలుడు వంటి రాక్షసులను ఆయన పరిమార్చిన విధానమును లక్ష్మణునకు వివరించి అటువంటి మహర్షి వద్ద తన మిగిలిన వనవాస సమయమును గడుపుతానని చెప్పటం అగస్త్య మహర్షి యొక్క గొప్పతనమును తెలియజేస్తుందని వారు వివరించారు. శ్రీరామ అవతార ప్రయోజనము నెరవేరుట కొరకు శ్రీరాముడు ఏ ప్రదేశంలో ఉండవలెను అనేది నిర్ణయించుటకు ఇదంతా దేవతా వ్యూహములో భాగమని, అందుకే శ్రీరాముడు అంతమంది మహర్షులను సేవించి ఆ అరణ్యములో ఉన్నారని, ఇక ఆ నిర్ణయము చేయబోయే వారు అగస్త్య మహర్షి యే అని పూజ్య గురువు గారు ప్రవచించారు. #SriChagantiVaani #SriChagantiPravachanamulu #ChagantiKoteswaraRaoGaru #Ramayanam #sampoornaramayanam #SampoornaRamayanam #ChagantiRamayanam #ChagantiLatestPravachanamulu #Ramayanam2025 #sriguruvanichaganti #ChagantiKoteswaraRaoGaru #ChagantiPravachanam #GuruvaniChagantiKoteswaraRaoGaru #sreeguruvani #sriguruvaani #sriguruvani #chagantikoteswararaogaru #chaganti #chagantiramayanam #vizag #visakhapatnam #2025