100 vjet Pavarësi: Shqipëria feston në zemër të Romës-(5 Mars 2012) скачать в хорошем качестве

100 vjet Pavarësi: Shqipëria feston në zemër të Romës-(5 Mars 2012)

Lajme Arkiva 2012 Për pesë javë me radhë, Muzeu i Qytetërimit Romak hapi dyert për kremtimin e 100-vjetorit të pavarësisë së Shqipërisë. Jo rastësisht, ambasada shqiptare në Itali dhe komuniteti shqiptar në Romë zgjodhën këtë seli, sepse Shqipëria prezantoi në djepin e qytetërimit perëndimor historinë, kulturën, traditën dhe bukuritë e saj. Llesh Kola: “Në qeverinë e parë të Garibaldit, formula Italia një dhe e pandashme është bërë nga një arbëreshë, Paskuale Skura quhet ai. Kështu që ne kemi më shumë krenari të themi që shqiptarët kanë qenë gjithmonë pjesë e perëndimit, pjesë e këtij civilizimi dhe rasti më i mirë është heroi jonë kombëtar, i cili është quajtur si atlet i Krishterimit, si heroi i Perëndimit dhe heroi i dy anëve të Adriatikut nga italianët.” Por edhe për një tjetër lidhje historike, shqiptarët dhe italianët gjejnë gjurmët e miqësisë dhe mbështetjes në dy ngjarjet më të rëndësishme të kombeve të tyre, atë të pavarësisë së Shqipërisë dhe të bashkimit të Italisë. Nevila Nika: “E ka një lidhje me Italinë, sepse kuptohet përderisa në dokumentet tona bëhet fjalë përkontributin e djalit të Giuseppe Garibaldit për pavarësinë e Shqipërisë, aq sa mund të ndihmonte ai të kuptohemi. Ricciotti Garibaldi është i pranishëm në dokumentet e Arkivit Shqiptar dhe mendoj që është një gjë shumë e bukur, sepse sido që të jetë lidhjet janë të kahershme, situatat politike më thënë dhe ndryshojnë, sepse kohërat ndryshojnë”. Përfaqësues të selisë diplomatike të Vatikanit, ambasadori i Kosovës në Romë, personalitete të artit e kulturës, përfaqësues të komunës së kryeqytetit italian dhe të komunitetit shqiptar u bënë pjesë e këtyre aktiviteteve që kulmuan në ceremoninë e mbylljes. Përgjatë këtyre javëve, shqiptarët që jetojnë në Itali dhe italianët patën mundësi të shohin një Shqipëri tjetër. Llesh Kola: “Kemi prej pesë javësh që zhvillojmë aktivitete të ndryshme në Muzeun e Civilizimit të Roman në Romë, ku përfshin hapje ekspozitash, pikture, fotografike marrin pjesë 18 piktorë shqiptarë që jetojnë në Itali. Kemi një stendë të dokumenteve të pavarësisë që na ka sjellë Arkivi i Shtetit. Kemi bërë konferenca të ndryshme kushtuar rolit të arbëreshëve në pavarësinë e Shqipërisë dhe në bashkimin e Italisë, si dhe emigracionin shqiptar”. Një mundësi për të parë edhe një pjesë të historisë, ashtu si ngjarjet janë zhvilluar në të vërtetë, jo siç u mësuan në tekstet e dala nga shtypshkronjat e propagandës së diktaturës. Në një stendë të veçantë u ekspozuan dokumente të rralla të periudhës së pavarësisë. Nevila Nika: “Kemi sjellë edhe disa prej memorandumeve dhe protestave të bëra nga shqiptarët, qysh nga Lidhja e Prizrenit dhe deri tek shpallja e pavarësisë, duke filluar nga memorandumet e Malësisë së Madhe, malësorëve, kryengritjes, nga Kongresi i Triestes apo Memorandumi i Gërçes,i Manastirit të Cepos, Memorandumi i Malit të Sinjës, janë krahina shqiptare në veri dhe në jug. Domethënë, gjithë territori shqiptar është përfshirë. Natyrisht, kemi sjellë edhe fotografi të diplomatëve të parë shqiptarë, të cilët u paraqitën në, po themi pranë kancelarive të botës së qytetëruar për të mbrojtur çështjen shqiptare”. Dhe në këtë njëqind vjetor shqiptarët do të shohin një botim të plotë e të pamanipuluar të dokumenteve të qeverisë së Ismail Qemalit, të cilët konsiderohen si pjesa më e shfrytëzuar, por më e keqpërdorur e arkivave. Nevila Nika: “Kësaj radhe do të jetë një botim i plotë tërësor dhe kur them i plotë, do të thotë që nuk do të hiqet asnjë emër dhe nuk do të ketë asnjë paragraf të fshirë”. Në Itali, ndoshta më tepër se në çdo vend tjetër të Evropës, ky përvjetor i gjen shqiptarët më pranë ëndrrës që patën veprimtarët e pavarësisë. Llesh Kola: “Ne, jo më larg se vitin e kaluar, festuam 20-vjetorin e emigracionit të ri shqiptar, i cili është një komunitet i mirëintegruar, jo i thënë nga ne, i thënë nga italianët. Është komuniteti më i integruar i huaj. Vetë të dhënat tregojnë këtë lloj kapaciteti integrues i tyre 220 mijë shqiptarë punojnë, rreth 20 mijë janë studentë. Mbi 100 mijë studiojnë në shkollat italiane, mbi 26 mijë janë impreditorë në Itali, kështu që është një komunitet i mirëintegruar”./tvklan.al SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni n\u00eb faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t\u2019i ndiqni edhe n\u00eb faqen https://tvklan.al/programe/