ಪಾಠ 13 ಬಾವಿಯಲ್ಲಿ ಚಂದ್ರ ೪ ನೆ ತರಗತಿ ಸವಿಕನ್ನಡ Lesson 13 Baviyalli chandra 4 th standard savikannada скачать в хорошем качестве

ಪಾಠ 13 ಬಾವಿಯಲ್ಲಿ ಚಂದ್ರ ೪ ನೆ ತರಗತಿ ಸವಿಕನ್ನಡ Lesson 13 Baviyalli chandra 4 th standard savikannada

ಪಾಠ ೧೩ Lesson 13 ಬಾವಿಯಲ್ಲಿ ಚಂದ್ರ (ಪದ್ಯ) Bhaviyalli chandra (poem) ಕಲಿಕೆಗೆ ದಾರಿ ನಿಮಗೆ ತಿಳಿದಿರುವ ಪರಿಸರದ ಹಾಡನ್ನು ಸಂಗ್ರಹಿಸಿ ತರಗತಿಯಲ್ಲಿ ಹಾಡಿ ತಿಂಗಳು ಬೆಳಕಿನ ಇರುಳಿನಲಂದು ಅಮ್ಮನು ಕೆಲಸದೊಳಿರುತಿರೆ ಕಂಡು ಗೋಪಿಯು ಪುಟ್ಟುವು ಹೊರಗಡೆ ಬಂದು ಬಾವಿಗೆ ಇಣುಕಿದರು. ಬಾವಿಲಿ ಚಂದ್ರನ ಬಿಂಬವ ಕಂಡು ಚಂದ್ರನು ಬಾವಿಗೆ ಬಿದ್ದನು ಎಂದು ಅಯ್ಯೋ! ಪಾಪವೆ! ಎನ್ನುತಲೊಂದು ಕೊಕ್ಕೆಯ ಹುಡುಕಿದರು. ಚಂದ್ರನ ಮೇಲಕೆ ಎತ್ತಲಿಕೆಂದು ಬಾವಿಯ ಹಗ್ಗಕೆ ಕೊಕ್ಕೆಯ ಬಿಗಿದು ದೂರದಿ ಗೋಪಿಯ ನಿಲ್ಲಿಸಿ ಪುಟ್ಟು ಹಗ್ಗವನಿಳಿಸಿದನು. ಹಗ್ಗದ ಕೊಕ್ಕೆಯು ಕಲ್ಲಿಗೆ ಸಿಕ್ಕಿ ಪುಟ್ಟುವು ಚಂದ್ರನು ಸಿಕ್ಕೇ ಸಿಕ್ಕ ಎನ್ನುತ ತುಂಬಾ ಬಲದಿಂದೆಳೆಯ ಹಗ್ಗವು ತುಂಡಾಯ್ತು. ಎಳೆತದ ರಭಸಕೆ ಪುಟ್ಟುವು ಬಿದ್ದ ಮೆಲ್ಲನೆ ಮನೆ ಕಡೆ ನೋಡುತಲೆದ್ದ ತಂಗಿಗೆ ಆಗಸ ತೋರುತಲೆಂದ "ಗೋಪೀ ನೋಡಲ್ಲಿ!" ಚಂದ್ರನ ಮೇಲಕೆ ಏರಿಸಿಬಿಟ್ಟೆ ನಮ್ಮಯ ದೇವರ ಬದುಕಿಸಿಕೊಟ್ಟೆ ಅಮ್ಮಗೆ ಗೊತ್ತಾದರೆ ನಾ ಕೆಟ್ಟೆ ಎಂದೋಡಿದ ಪುಟ್ಟು, -ಬಿ ಎಂ ಶರ್ಮಾ ಪದಗಳ ಅರ್ಥ ತಿಂಗಳು ಚಂದ್ರ; ತಿಂಗಳು ಬೆಳಕು ಹುಣ್ಣಿಮೆಯ ಬೆಳಕು; ಬಿಂಬ-ಕನ್ನಡಿಯಲ್ಲಿ ಕಂಡಾಗ ಕಾಣುವ ನಮ್ಮ ರೂಪ; ಕೊಕ್ಕೆ - ಯಾವುದನ್ನಾದರೂ ಹಿಡಿದು ಎಳೆಯಲು ಬಳಸುವ ಲೋಹದ ಅಥವಾ ಮರದ ಸಾಧನ ಸಾಧನ: ರಭಸ - ವೇಗ: ಆಗಸ - ಆಕಾಶ, ಬಾನು: ಮೆಲ್ಲನೆ - ನಿಧಾನವಾಗಿ. ಅ. ಒಂದೊಂದು ವಾಕ್ಯದಲ್ಲಿ ಉತ್ತರ ಬರೆಯಿರಿ ೧. ಗೋಪಿ ಪುಟ್ಟು ಬಾವಿಯಲ್ಲಿ ಏನು ನೋಡಿದರು? ಉತ್ತರ: ಗೋಪಿ ಪುಟ್ಟು ಬಾವಿಯಲ್ಲಿ ಚಂದ್ರನ ಬಿಂಬವನ್ನು ನೋಡಿದರು ೨. ಕೊಕ್ಕೆಯನ್ನು ಏಕೆ ತಂದರು? ಉತ್ತರ: ಬಾವಿಯಲ್ಲಿ ಬಿದ್ದ ಚಂದ್ರನನ್ನು ಮೇಲೆ ಎತ್ತಲು ಕೊಕ್ಕೆಯನ್ನು ತಂದರು ೩. ಪುಟ್ಟು ಏಕೆ ಬಿದ್ದನು ? ಉತ್ತರ: ಹಗ್ಗವನ್ನು ರಭಸವಾಗಿ ಎಳೆದು ಅದು ತುಂಡಾಗಿ ಪುಟ್ಟು ಬಿದ್ದನು ೪. ಚಂದ್ರನು ಎಲ್ಲಿದ್ದನು? ಉತ್ತರ: ಚಂದ್ರನು ಆಕಾಶದಲ್ಲಿದ್ದ ೫. ತಾಯಿಗೆ ಪುಟ್ಟು ಏಕೆ ಅಂಜಿದನು? ಉತ್ತರ: ಹಗ್ಗ ತುಂಡಾಗಿದೆ ಅಮ್ಮನಿಗೆ ಗೊತ್ತಾದರೆ ಎಂದು ಅಂಜಿದ. ಆ. ಎರಡು ಮೂರು ವಾಕ್ಯಗಳಲ್ಲಿ ಉತ್ತರ ಬರೆಯಿರಿ. ೧. ಬಾವಿಯಲ್ಲಿ ಚಂದ್ರನ ಬಿಂಬ ನೋಡಿದಾಗ ಪುಟ್ಟು ಏನು ಮಾಡಿದನು? ಉತ್ತರ: ಪುಟ್ಟು ಚಂದ್ರನನ್ನು ಮೇಲಕ್ಕೆ ಎತ್ತಲು ಕೊಕ್ಕೆ ಹುಡುಕಿ, ಬಾವಿಯ ಹಗ್ಗಕ್ಕೆ ಕೊಕ್ಕೆ ಕಟ್ಟಿ ಬಾವಿಗೆ ಇಳಿಸಿದನು. ೨. ಬಾವಿಗೆ ಕೊಕ್ಕೆ ಇಳಿಸಿ ಎಳೆದಾಗ ಏನಾಯಿತು? ಉತ್ತರ: ಬಾವಿಯ ಕಲ್ಲಿಗೆ ಹಗ್ಗ ಸಿಕ್ಕಿಹಾಕಿಕೊಂಡು, ಚಂದ್ರನು ಸಿಕ್ಕಿದನು ಎಂದು ಬಲವಾಗಿ ಹಗ್ಗ ಎಳೆದಾಗ ಹಗ್ಗ ತುಂಡಾಯಿತು. ಇ. ವಾಕ್ಯಗಳನ್ನು ಸರಿಪಡಿಸಿ ಬರೆಯಿರಿ ೧. ಪುಟ್ಟುವು ಎಳೆತದ ಬಿದ್ದ ರಭಸಕೆ. ಉತ್ತರ: ಎಳೆತದ ರಭಸಕೆ ಪುಟ್ಟುವು ಬಿದ್ದ ೨. ಗೊತ್ತಾದರೆ ಕೆಟ್ಟೆ ಅಮ್ಮಗೆ ನಾ. ಉತ್ತರ: ಅಮ್ಮಗೆ ಗೊತ್ತಾದರೆ ನಾ ಕೆಟ್ಟೆ ೩. ಮನೆ ಮೆಲ್ಲನೆ ನೋಡುತಲೆದ್ದ ಕಡೆ. ಉತ್ತರ: ಮೆಲ್ಲನೆ ಮನೆಕಡೆ ನೋಡುತಲೆದ್ದ ೪. ಬಾವಿಗೆ ಎಂದು ಚಂದ್ರನು ಬಿದ್ದನು ಉತ್ತರ: ಬಾವಿಗೆ ಚಂದ್ರನು ಬಿದ್ದನು ಎಂದು. ಈ. ಈ ಪದ್ಯವನ್ನು ಪೂರ್ಣಗೊಳಿಸಿ. ಹಗ್ಗದ ಕೊಕ್ಕೆಯು……… ……………ಸಿಕ್ಕೇ ಸಿಕ್ಕ ಎನ್ನುತ………………. ……………ತುಂಡಾಯ್ತು ಉತ್ತರ: ಹಗ್ಗದ ಕೊಕ್ಕೆಯು ಕಲ್ಲಿಗೆ ಸಿಕ್ಕಿ ಪುಟ್ಟುವು ಚಂದ್ರನು ಸಿಕ್ಕೇ ಸಿಕ್ಕ ಎನ್ನುತ ತುಂಬಾ ಬಲದಿಂದೆಳೆಯ ಹಗ್ಗವು ತುಂಡಾಯ್ತು ಉ. ಈ ಪದ್ಯದಲ್ಲಿ ಬರುವ ಮೂರು ಅಕ್ಷರದ ಪದಗಳನ್ನು ಹುಡುಕಿ ಬರೆಯಿರಿ. ತಿಂಗಳು ಬೆಳಕು ಇರುಳು ಕೆಲಸ ಇಣುಕು ಹುಡುಕು ಬಿಗಿದು ನಿಲ್ಲಿಸು ತುಂಡಾಯ್ತು ರಭಸ ಮೆಲ್ಲನೆ ನೋಡುತಾ ಆಗಸ ಏರಿಸು ದೇವರು ಬದುಕು ಊ. “ಚ” ಅಕ್ಷರದಿಂದ ಪ್ರಾರಂಭವಾಗುವ ಪದಗಳನ್ನು ಬರೆಯಿರಿ. ಉತ್ತರ: ೧. ಚಕ್ಕುಲಿ ೨. ಚಮಚ ೩. ಚದುರಂಗ ೪. ಚಂಪಾರಣ್ಯ ಅ. ಮಾದರಿಯಲ್ಲಿ ಸೂಚಿಸಿರುವಂತೆ ಸೂಕ್ತಪದ ರಚಿಸಿ ಬರೆದು ಸ್ಪಷ್ಟವಾಗಿ ಓದಿ. ಮಾದರಿ: ಮರ+ಗಳು=ಮರಗಳು ೧.ಮನೆ+ಗಳು=ಮನೆಗಳು ೨.ಚಿತ್ರ+ಗಳು=ಚಿತ್ರಗಳು ೩. ಹಕ್ಕಿ+ಗಳು=ಹಕ್ಕಿಗಳು ೪. ಪುಸ್ತಕ+ಗಳು=ಪುಸ್ತಕಗಳು ೫. ನದಿ+ಗಳು= ನದಿಗಳು ಆ. ಈ ಪದ್ಯದಲ್ಲಿ ಬರುವ ಒತ್ತಕ್ಷರ ಪದಗಳನ್ನು ಪಟ್ಟಿಮಾಡಿ. ಅಮ್ಮ ಪುಟ್ಟು ಚಂದ್ರ ಬಿದ್ದ ಅಯ್ಯೋ ಏನ್ನುತ ಕೊಕ್ಕೆ ಎತ್ತಲು ಹಗ್ಗ ನಿಲ್ಲಿಸು ಕಲ್ಲು ಸಿಕ್ಕ ತುಂಡಾಯ್ತು ಮೆಲ್ಲನೆ ನೋಡಲ್ಲಿ ಏರಿಸಿಬಿಟ್ಟೆ ಗೊತ್ತಾದರೆ ಕೆಟ್ಟೆ ಅ. 'ಅ' ಮತ್ತು 'ಆ' ಪಟ್ಟಿಯಲ್ಲಿರುವ ಶಬ್ದಗಳನ್ನು ಜೋಡಿಸಿ ಕವಿತೆಯ ಸಾಲುಗಳನ್ನು ಪೂರ್ತಿಗೊಳಿಸಿ. ಉತ್ತರ: ತಿಂಗಳು ಬೆಳಕಿನ - ಇರುಳಿನಲಂದು ಚಂದ್ರನ ಮೇಲಕೆ- ಎತ್ತಲಿಕೆಂದು ಪುಟ್ಟುವು ಚಂದ್ರನು - ಸಿಕ್ಕೇ ಸಿಕ್ಕ ತಂಗಿಗೆ ಆಗಸ - ತೋರುತಲೆಂದ ನಮ್ಮಯ ದೇವರ - ಬದುಕಿಸಿಕೊಟ್ಟೆ ಆ. "ದುಡುಕಿದರೆ ಫಲವಿಲ್ಲ" - ಇದು ಒಂದು ಗಾದೆ ಮಾತು. ಇದೇ ಅರ್ಥದ ಇನ್ನಷ್ಟು ಗಾದೆ ಮಾತುಗಳನ್ನು ಸಂಗ್ರಹಿಸಿ ಬರೆಯಿರಿ. ೧. ಆತುರಗಾರನಿಗೆ ಬುದ್ಧಿ ಮಟ್ಟ ೨. ತಾಳಿದವನು ಬಾಳಿಯಾನು ೩. ಅವಸರವೇ ಅಪಾಯ ೪. ಮುನ್ನುಗ್ಗಿದರೆ ಮುಗ್ಗಿಸುವೆ ೫. ದುಡುಕಿದರೆ ದಡ್ಡತನ ೬. ನಿಧಾನವೇ ಪ್ರಧಾನ. ೭. ಓದು ಒಕ್ಕಾಲು ಬುದ್ದಿ ಮುಕ್ಕಾಲು ಯೋಚಿಸಿ ಉತ್ತರಿಸಿ: ಅ. ರಾತ್ರಿಯ ಆಗಸದಲ್ಲಿ ಮೂಡಿಬರುವ ಚಂದ್ರ, ತಾರೆಗಳು, ತಿಂಗಳು ಬೆಳಕಿನಲ್ಲಿ ಕಾಣುವ ಗಿಡಮರಬಳ್ಳಿಗಳು - ಇವೆಲ್ಲವನ್ನು ಬಳಸಿ ನಿಮಗಿಷ್ಟವಾದ ಚಿತ್ರವನ್ನು ಬರೆಯಿರಿ. ನೀನೀಗ ಪಠ್ಯದಲ್ಲಿನ ವಿಚಾರ ಸರಣಿ ಮತ್ತು ಘಟನಾವಳಿಗಳಲ್ಲಿರುವ ಸರಳ ಕಾರ್ಯಕಾರಣ ಸಂಬಂಧಗಳನ್ನು ಗುರುತಿಸುವುದರ ಜೊತೆಗೆ ಓದುವ ಮತ್ತು ಆಲಿಸುವ ಸಾಮರ್ಥ್ಯವನ್ನು ಗಳಿಸಿಕೊಂಡಿರುವೆ ಅಲ್ಲವೆ? #4thstandard #ಕನ್ನಡ #kidslearning #kids #viral