Ceremonia e përcjelljes së maturanteve të SHMI Medreseja "Isa Beu" – paralelja e vajzave, Tetovë скачать в хорошем качестве

Ceremonia e përcjelljes së maturanteve të SHMI Medreseja "Isa Beu" – paralelja e vajzave, Tetovë

Ceremonia e përcjelljes së maturanteve të SHMI Medreseja "Isa Beu" – paralelja e vajzave, Tetovë Në një atmosferë të mbushur me emocione dhe krenari, në ambientet e Pallatit të Kulturës në Tetovë, Medreseja Isa Beu – paralelja e vajzave, përcolli me dinjitet gjeneratën e XVIII të maturanteve të saj. 19 vajza të përkushtuara, të cilat për katër vite me radhë u formuan si personalitete të dijes dhe moralit, u përshëndetën në këtë ceremoni solemne që la gjurmë të pashlyeshme në zemrat e të pranishmëve. Në këtë manifestim madhështor morën pjesë personalitete të shquara të jetës fetare e arsimore në vend, me në krye Reisul Ulemanë e Bashkësisë Fetare Islame të RMV-së, H. Hfz. Shaqir ef. Fetai, drejtori i përgjithshëm i SHMI Medreseja "Isa Beu", Dr. Islam Islami, Muftiu i Tetovës, Dr. Hfz. Selver ef. Xhemaili, drejtues të sektorëve të Rijasetit të BFI-së, koordinatoret e paraleleve të Medresesë, prindërit dhe shum mysafirë, të mirëpritur nga koordinatori i kësaj paraleleje, prof. Beqir Memeti. Ceremonia u hap me lexim të Kur’anit Famëlartë nga hafizi i njohur, Idriz Osmani, duke sjellë një atmosferë të ngrohtë shpirtërore në sallë. Fjalët e mirëseardhjes nga koordinatori i paraleleve, prof. Beqir Memeti, dhe përshëndetja e ngrohtë e Dr. Islam Islamit, drejtori i përgjithshëm i Medresesë, vlerësuan me respekt të thellë të gjithë ata që kontribuan në edukimin e këtyre maturanteve, me një falënderim të veçantë për prindërit që besuan amanetin e tyre në këtë shkollë të shenjtë. Një moment i veçantë dhe plot emocione ishte fjala e Muftiut të Tetovës, Dr. Hfz. Selver ef. Xhemaili, i cili theksoi se për të arritur dijen, njeriu duhet të jetë rob i përkushtimit dhe i punës së palodhur. Ai uroi që rruga e dijes dhe e moralit të jetë busull për jetën e maturanteve. Fjala e rastit padyshim i takoi Reisul Ulema H. Hfz. Shaqir ef. Fetai, i cili me përkushtim e dashuri përshëndeti të pranishmit dhe e vlerësoi lartë gjeneratën e re të vajzave të Medresesë. Ai theksoi se këto maturante janë shembull i gjallë i harmonisë mes dijes dhe moralit, duke e cilësuar dijen si imperativin e parë të Zotit dhe moralin si thelbin që e bën njeriun të denjë. Ai shprehu shqetësimin për sfidat që përballet shoqëria sot, me theks të veçantë mbi humbjen e vlerave morale përballë zhvillimeve materiale dhe teknologjike, ndërsa theksoi se këto maturante janë drita që i jep shpresë shoqërisë për një të ardhme më të mirë. Në fund, Reisul Ulema Fetai shprehu mirënjohjen e tij për drejtorin, koordinatorin, profesorët dhe të gjithë ata që punojnë për të edukuar brezat e rinj me dije dhe moral. Ceremonia u përmbyll me shpërndarjen e mirënjohjeve për maturantet – një moment i mbushur me emocione, krenari dhe shpresa të mëdha për të ardhmen. Urime të përzemërta për të gjitha maturantet e gjeneratës së XVIII të Medresesë Isa Beu – paralelja e vajzave në Tetovë! Shëndet, suksese dhe dritë në rrugën e dijes dhe të jetës! Follow Tv Koha on... • FB:   / tv.koha.tetove   • IG: https://www.instagram.com/tvkohatetov... • YT:    / televizionikohatetov   • Web: http://tvkoha.tv/ If any copyright issues please contact: TV KOHA - TETOVË