[StarTalk]三條King合壁舞台再爆火花 秋生陳淑儀朱康下月再合作 скачать в хорошем качестве

[StarTalk]三條King合壁舞台再爆火花 秋生陳淑儀朱康下月再合作

[StarTalk]三條King合壁舞台再爆火花 秋生陳淑儀朱康下月再合作 啱啱入圍角逐今屆金馬影帝嘅黃秋生，同舞台劇經驗豐富同時得獎無數嘅陳淑儀，仲有同樣涉足舞台兼電影電視嘅朱柏康，舊年合作演出嘅15場表演叫好又叫座，事隔一年佢哋再次合作，10月底聯手演出《2呃22ART》再登舞台，三大劇帝再次聯手演出。 秋生雖然演出無數，不過就話對去年嘅演出無算太過滿意，所以希望今次再登舞台可以有更好表現喇。佢哋仲話演出時如果太過注重技巧有時反而會弄巧反拙，今次再合作就決定以享受過程嚟令演出更豐富自然叮。而劇中會被秋生爆樽嘅朱柏康，就話會場面會繼續保留，不過一切就要睇落手嘅秋生當日嘅心情如何咁話喎。 身為劇帝又係朱康老師嘅陳淑儀，就對朱康呢位學生讚許有嘉，秋生仲爆佢哋嘅關係非常緊密喎。全劇因為一幅畫作而起，以男士之間嘅比拼嬉笑怒罵，呢日佢哋就Share男士之間嘅無形競爭有幾咁有趣喇。 秋生一向有嗰句講嗰句，不時喺網上向酸民開火就少不免，秋生呢日就妙論應付網上留言嘅應對方式，仲話呢啲無理嘅攻擊既無智慧又煩人呀。至於朱康就話收到PM最困擾，秋生仲認為可以作作EQ訓練自己呀。 舞台演出因為疫情而大受影響，對舞台工作者而言亦都係一大困惑，佢哋就希望可以盡早回復正常生活。而身為老師同系主任嘅陳淑儀仲被學生朱康大爆舞台瘀事，更多關於呢次佢哋演出嘅準備同詳細內容，就要留意呢集王鎮泉主持嘅《StarTalk》喇。 #TVB #娛樂新聞 #TVB娛樂新聞台 #StarTalk #2呃22ART #黃秋生 #陳淑儀 #朱柏康 #舞台劇 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0