ကရင်နီပူးပေါင်းတပ်တွေဖမ်းထားတဲ့ စစ်သုံ့ပန်း ၈၀ ခန့် သေနတ် ၉ လက်ယူပြီးထွက်ပြေး | People's Spring скачать в хорошем качестве

ကရင်နီပူးပေါင်းတပ်တွေဖမ်းထားတဲ့ စစ်သုံ့ပန်း ၈၀ ခန့် သေနတ် ၉ လက်ယူပြီးထွက်ပြေး | People's Spring

ကရင်နီပူးပေါင်းတပ်တွေဖမ်းထားတဲ့ စစ်သုံ့ပန်း ၈၀ ခန့် သေနတ် ၉ လက်ယူပြီးထွက်ပြေး ဇန်နဝါရီ - ၁၈ ၊၂၀၂၆ /People's Spring ကရင်နီပြည်နယ်( ကယား) အတွင်း ကရင်နီပူးပေါင်းတပ်တွေ ဖမ်းဆီးထားတဲ့ စစ်ကောင်စီတပ်ဖွဲ့ဝင် စစ်သုံ့ပန်း အကျဉ်းသား ဦးရေ ၈၀ ခန့်ဟာ လက်နက်​ငယ် ၉ လက်ယူပြီးဒီနေ့ ဇန်နဝါရီလ ၁၈ ရက် မနက်အစောပိုင်း ၁ နာရီခန့်မှာထွက်ပြေးသွားတယ်လို့ ကရင်နီပြည်ကြားကာလအုပ်ချုပ်ရေးကောင်စီ(IEC) က ထုတ်ပြန်ပါတယ်။ တော်လှန်ရေးအဖွဲ့တွေကအခြေအနေတွေကိုပြန်လည်ထိန်းချုပ်နိုင်ဖို့ ကြိုးပမ်းနေပြီး ထောင်ဝန်ထမ်းတွေကို ဖမ်းဆီးသွားတာ ၊ သတ်ဖြတ် သွားတယ်ဆိုတဲ့သတင်းတွေ မှန်ကန်မှုမရှိဘူးလို့ IEC က ဆိုပါတယ်။ ဒါပေမယ့် စစ်သုံ့ပန်းတွေထွက်ပြေးသွားတဲ့ထောင်အမည်ကိုတော့ IEC ရဲ့အသိပေးချက်မှာမပါရှိပါဘူး။ ပြည်သူတွေစိုးရိမ်ထိတ်လန့်မှုမရှိရအောင် တော်လှန်ရေးအဖွဲ့တွေ ၊ ရဲတပ်ဖွဲ့နဲ့ မြို့နယ်အုပ်ချုပ်ရေးအဖွဲ့တွေက လုံခြုံရေးအစီအမံတွေချမှတ်ထားတယ်လို့ IEC က ဆိုထားပါတယ်။ ကရင်နီဒေသခံတစ်ဦးကတော့ စစ်သုံ့ပန်းတွေ ထွက်ပြေးသွားတဲ့အကျဉ်းထောင်ဟာ ထိုင်း - မြန်မာ နယ်စပ်မြို့ ဖြစ်တဲ့မယ်စဲ့မြို့ရှိ အကျဉ်းထောင်ဖြစ်တယ်လို့ဆိုပါတယ်။ ထောင်ဝန်ထမ်းတွေကို ကြိုးတုပ်ကာ အချုပ်ခန်းထဲ ထည့်ပြီး သေနတ်တွေယူဆောင်သွားကြတယ်လို့ အဲဒီ ကရင်နီဒေသခံက အသိပေးပါတယ်။ အခုလို ထွက်ပြေးလွတ်မြောက်သွားတဲ့ အကျဉ်းသားတွေဟာ စစ်ကောင်စီတပ်ဖွဲ့ဝင် သုံ့ပန်းတွေဖြစ်တယ်လို့လည်းသိရပါတယ်။ ဒါကြောင့် လက်ရှိအခြေအနေအရ မယ်စဲ့မြို့နယ် အပြင် ဆက်စပ်နေတဲ့ မော်ချီးဒေသမှာ နေထိုင်ကြတဲ့ ပြည်သူတွေပါ လုံခြုံရေးဂရုစိုက်ကြဖို့ ကရင်နီအရပ်ဘက်အဖွဲ့အစည်း တာဝန်ရှိသူအချို့က တိုက်တွန်းထားပါတယ်။ ထိုင်းနိုင်ငံနဲ့ထိစပ်နေတဲ့ မယ်စဲ့မြို့ကို ကရင်နီပူးပေါင်းတပ်တွေက ပြီးခဲ့တဲ့ ၂၀၂၃ ခုနှစ် ၊နိုဝင်ဘာလမှာ တိုက်ယူခဲ့တာပါ။ တော်လှန်ရေးအဖွဲ့တွေ ဖမ်းဆီးထားတဲ့ စစ်သုံ့ပန်းတွေ ထွက်ပြေးတဲ့ဖြစ်စဉ်တွေဟာ စစ်ကိုင်းတိုင်း ၊မန္တလေးတိုင်းနဲ့ ရှမ်းပြည်မြောက်ပိုင်း တို့မှာလည်းဖြစ်ထားပါတယ်။ 𝗣𝗲𝗼𝗽𝗹𝗲'𝘀 𝗦𝗽𝗿𝗶𝗻𝗴   / subscribe   𝗬𝗼𝘂𝗧𝘂𝗯𝗲 -    / @peoplespring   𝗙𝗮𝗰𝗲𝗯𝗼𝗼𝗸 -   / ludunwayoo   𝗪𝗲𝗯𝘀𝗶𝘁𝗲 - https://www.ludunwayoo.com/ 𝗧𝗲𝗹𝗲𝗴𝗿𝗮𝗺 - https://t.me/peoplespring #ludunwayoo #လူထုနွေဦး #PS #People*sSpring #myanmar #NewsMedia #media #politics #international #trending #new #update #info #newsfeed #dailynews #newsupdate #breakingnews #myanmarnews #updatenews #PSA