風水屋區區搵？黃埔花園 風水好唔好？ скачать в хорошем качестве

風水屋區區搵？黃埔花園 風水好唔好？

香港樓價咁貴，買樓唔單止要睇地段，仲要看單位坐向同內部設計，正所謂一命二運三風水，命及大運要改變唔係太容易，但你可以相對容易去選擇一間有利自己的風水屋；有冇諗過，你依家住嘅屋苑風水其實會影響你嘅事業運、財運、子女學業，甚至全家人嘅健康？未來我會走去全港各大屋苑，每一區去發掘風水屋苑或單位比大家參考，亦會分享風水知識，我又會為每一個屋苑風水去評測，希望大家都能住得安心開心，事業及財運都不斷提升。 今日我會帶大家一齊走進紅磡的黃埔花園，呢個屋苑可謂係香港代表屋苑之一！黃埔花園擁有超過10,000個單位，長期穩居全港屋苑成交榜頭20位。作為一個規模龐大的屋苑，佢每一期都擁有獨特的風水特徵，所以我會逐一為大家深入拆解每一期的玄機。喺今日，就由第一期金柏苑開始講起！ 黃埔花園的前身係黃埔船廠，充滿歷史氣息嘅地段喺80年代被改建成住宅區，而第一期金柏苑在1985年正式入伙。呢個屋苑內設施齊全，包括會所、泳池、兒童遊樂場、運動設施、娛樂設施以及餐飲設施，生活所需都有齊。而且，交通亦相當便利，由屋苑步行至港鐵站只需約8分鐘，小學校網屬於35區，中學校網則係九龍城，對家庭住戶來說非常吸引。而呢一區特別多日本人或大學生租住。 第一期金柏苑由5座樓組成，所有單位面積統一為859呎，單位主要分布於內園及街景，並無向海單位。由於第一期嘅入伙年份係1985年，呢個時期屬於七運（1984-2003），意味著呢啲單位的風水氣場係以七運為基礎。 但要留意，假如單位是在二手買入後曾經進行過大裝修，或者業主搬遷入住的時間唔係1985-2003年期間，咁就可能需要重新計算單位的風水運勢，可能會由七運轉變成八運甚至九運！（點樣界定七運、八運同九運嘅樓？呢一點，詳細內容我會在之後再獨立做一條的片同大家分享！） #風水屋 #風水屋苑 #黃埔花園 #黃埔花園金柏苑 #黃埔花園一期 #黃埔花園風水 #風水 #家居風水 #推薦