2024.01.01 新年練26 26探險記 Part 2 — 常興線練習 скачать в хорошем качестве

2024.01.01 新年練26 26探險記 Part 2 — 常興線練習

上回提到行咗幾次嘉齡線之後 我哋決定入去考試中心 落車換GoPro電池 順便休息一陣 同埋想試下行另一條考試路線—常興線 其實我第一次真·自練嗰陣行過一次就已經無行過 所以唔係好記得完整路線 要即刻上網睇片惡補一下 只要記得頭半段路就可以 因為敬德街u-turn回程基本上同嘉齡線一樣✌️ 好似幾順利咁去到石鼓街 再路過敬德街諗住u-turn走 朋友提議行到盡頭先調頭 點知我哋去到盡頭見到箭嘴只可以轉左 oh gg 緊張的事要發生了 離開咗考試範圍唔識路 (事後先發現舊考試路線可以直行到尾左轉🤦‍♀️ ) 唯有跟其他46學車行住先 我哋行行下跟甩咗學車路線 結果出咗太子 仲要入埋去油站停低搵路 總算搵咗條路線返土瓜灣方向 其實完整路線真係背唔到 不過諗住一路行住先 到時有機會再搵位停低睇多次地圖😶‍🌫️ 去到花墟出返嚟 同朋友喺條路傾緊行咩方向 佢喺後面話搵到架學車諗住跟住行 叫我過去最右線轉右 但我已經cut唔切線 唯有自己直去了 我哋咁就失散咗🥶 失散之後就真係變咗自由行了 因為完全唔知自己去緊邊🤡 得返自己喺條路亂行真係好得人驚 路面全部車都揸得好快 應該係牌寫50 大家基本上都行緊70+ 好鬼死淆 嘗試睇路牌睇下揸唔揸得返土瓜灣 路痴又上身 竟然又再次去返頭先個油站 大鑊 即係又要入多次花墟 平時好日都唔去花墟 今日一去就去兩次 痴線 天真寄望入咗花墟唔好再行錯💩 話說一路有同朋友call緊 佢同我講話要上返公主道天橋先返到去何文田附近 不過我完全唔知道點樣上去佢所講嘅天橋 懷疑過咗都唔知🙃 Anyway, 用Google Map重新再search過返去嘅路線 想講嗰下行極都唔啱行到心很累 開始崩潰🫠 P.S. 瘋狂探險記實在太長 暫時剪住一半先 Part 3要期待一下 — 欲知後事如何 且看下回分解😂 #motorcycle #26學神 #租車自練 #226 #haojue #gn125