Amateka y’Abana 4 ba Perezida Kagame скачать в хорошем качестве

Amateka y’Abana 4 ba Perezida Kagame

Imfura: Yvan Cyomoro Kagame Ubuheta: Ange Ingabire Kagame Ubuheture: Ian Kigenza Kagame Umuhererezi: Brayan Cyizere Kagame Tugeze mu gitondo cyo mu mwaka 1989, ni umunsi wihariye ukwawo ko utegerejwe kuri aba bombi, wari umwaka udasanzwe ku mugabo n’umujenerari w’igitangaza isi yamenye byuzuye, kuko niyo ntangiriro yo kubana n’umufasha we akunda cyane. Rwari urukundo rw’intsinzi mu kubaka umuryango. Nyuma y’imyaka itatu yonyine uru rukundo rwashibutsemo imbuto nayo yatanze ibyishimo mu mwaka wa 1991, ibyishimo biba uruhumbirajana. Ibi rero nyine byari umunezero waje kunganirwa n’undi nawo waje udasanzwe mu mwaka wa 1993. Impundu zongera kuva hakurya iyo ibwotamasimbi zambuka ibirometero bingana na 9875 no mu ishyamba ry’urugano ngo baa! Nuko rero byageze no mu mwaka wo gutangira andi mateka twese twari tunyotewe wa 1995, uba umwaka wo kunguka ubuheture kuri uyu muryango, waje no kubyara undi mwana w’umuhungu na we wihariye ukwe mu mwaka wa 1998. Uyu muryango mvuga ni umuryango wa Nyakubahwa Perezida Paul KAGAME. Ese uyu muryango hari icyo waba uwuziho? Gusa ibyo ari byo byose hari icyo uzi. Nyakubahwa Paul KAGAME ni President w’u Rwanda ibyo urabizi, ni Chairman cyangwa umuyobozi w’Umuryango wa RPF Inkotanyi ibyo nabyo urabizi, ariko sinzi niba ubizi ko ari n’umujenerali w’igitangaza wayoboye Intambara nyinshi agatahukana intsinzi zitabarika. ibi nabyo ushobora kuba warabisomye cyangwa warabyumvise. Kandi President Kagame ni umwe mu bantu bubashywe mu isi kandi bakomeye ibyo nabyo Urabizi, Nonse uranabizi ko ari umubyeyi? Nabyo Urabizi. Ndatekerezko n’Umufasha we Madamu Jeanette Kagame umuzi kuko baba barikumwe kenshi. Ariko reka Nkubaze urabizi ko President Kagame agira Abana? Abana be se urabazi? ushobora kuba ubazi unababona batambuka cyangwa barikumwe nawe, ariko se uhuye nabo mu muhanda nabo wabamenya? Rwose wahagarara ukavuga uti uyu mpuye nawe ni Umwana wa President Kagame? Yego tuvuge ko muhuye wabamenya. ariko se wamenya amazina yabo? Wamenya igihe bavukiye? wamenya aho bize, ubwo ndavuga amashuri yabo bize? Nonese utabeshye wamenya ibyo bakora? Ndahamya ko niba udasanzwe ubizi ntabyo wahita umenya. ndetse nubu ushobora kuba ntabyo Uzi. ariko niba utangiye kwibaza aho wabikura, nyemerera akanya gato nkwibwirire kuri iyi ngingo yihariye ukwayo, ako ni akazi kacu nk’Intsinzi kubikubwira. Reka duhindukire gato Jye nawe dusubirane kuri stade Amahoro I Remera ubwo President Kagame yarahiriraga kuyobora u Rwanda tariki 11/8/2024.wakurikiye uyu muhango? waba warabonye se ko muri uyu muhango Umuryango wa President Kagame guhera ku mufasha we,abana be,umukwe we ndetse n’abuzukuru be bari iruhande rwe baje kumushyigikira? Mu buryo bwihariye umuryango wa President Paul KAGAME Ubwo umuhango wo kurahira wasozwaga, wamufashije Gusesera kubanyacyabahiro b’abakuru b’ibihugu bari baje kumushyigikira igihe barimo bataha. Guhera ku mufasha we kugeza kumuhungu we w’umuhererezi,Bahagaze kumurongo basezera aba banyacyubahiro baba President bibihugu bya Afurika bari baje gushyigkira President Kagame. Kandi nawe wasanga warababonye ukanabibazaho Byinshi. Reka noneho rero nkubwireko mu kiganiro kigufi tugiye kuvuga kuri aba bana ba president Paul Kagame barimo abahungu be batatu n’umukobwa umwe. Reka tuvuge ku bana b’uyu munyabigwi wahaye byose u Rwanda.