🔴Qadr kechasi | Husayn Buxoriy Qur'on tilovati скачать в хорошем качестве

🔴Qadr kechasi | Husayn Buxoriy Qur'on tilovati

— “Laylatul qadr” kechasining qanday fazilatlari bor? Unda qanday amallarni bajarish kerak? — Bismillahir Rohmanir Rohim.Qadr kechasi va undagi fazilatlar to'g'risida Alloh taolo Qur'oni karimda “Qadr” nomli butun bir sura nozil qilgan: "Albatta, Biz U (Qur'on)ni Qadr kechasida nozil qildik. (Ey Muhammad) Qadr kechasi nima ekanini Sizga ne ham anglatur?! Qadr kechasi ming oydan yaxshirokdir. U (kecha)da farishtalar va Ruh (Jabroil) Parvardigorining izni ila (yil davomida qilinadigan) ishlar (rejasi) bilan (osmondan erga) tusharlar. U (kecha) tong otgunicha salomatlikdir"(Qadr surasi, 1-5 oyatlar). Qadr kechasi Ramazon oyining nechanchi kechasi ekanini Alloh va Rasuli tomonidan sir tutilgan. Sahobalar Rasuli akram alayhissalomdan uni qaysi kecha ekanini so'raganlarida oyning uchinchi o'n kunligining toq kechalaridan izlash kerakligini aytganlar (“Tafsiri Bag'aviy”). Sevikli Payg'ambarimiz sollallohu alayhi vasallam ushbu kechani tunlari ibodat bilan o'tkazishga targ'ib qilar edilar. Oisha onamiz roziyallohu anho bunday deydilar: “Rasululloh sollallohu alayhi vasallam Ramazonning oxirgi o'n kunligi kelsa, kechalari uxlamas edilar va uydagilarni ham ibodat qilishga uyg'otar edilar”. Nabiy sollallohu alayhi vasallam: “Kim Laylatul Qadr kechasini imon va ixlos bilan bedor o'tkazsa, uning shu kechagacha qilgan gunohlari mag'firat qilinur”, deganlar (Imom Buxoriy va Imom Muslim rivoyat qilgan). Demak, Ramazon oyining ushbu fazilatli kechalarini g'animat bilish, uni toat-ibodat va solih amallar bilan o'tkazishga himmat qilishimiz, ko'proq ibodat, namoz, zikr, Qur'on tilovati hamda iltijo, tazarru' duolar bilan o'tkazishimiz kerak. Ayniqsa, ushbu kechada Payg'ambarimiz sollallohu alayhi vasallam ta'lim berganlaridek: “Allohim, albatta Sen gunohlarni afv qiluvchi Zotsan, afv qilishni yaxshi ko'rasan, bizlarni afv et” duosini ko'p aytish maqsadga muvofiq. Manba: Muhammad Ayyub HOMIDOV MuslimUz