عين جدي جنة البحر الميت скачать в хорошем качестве

عين جدي جنة البحر الميت

مسار عين جدي – البحر الميت أكثر من مرّة سألتونا عن مسارات بمنطقة غير الشمال والجولان , إخترنا واحدة من أحلى المناطق ببلادنا " البحر الميت" وقررنا نعمل مسار #عين_جدي , بتصدقوش قديش إنبسطنا وقديش كان المسار مفاجئ وحلو وفيه تحدّي ! جاهزين؟ يلّا نحكي شوي عن المسار . كيف منوصل لعين جدي؟ إكتبوا שמורת טבע עין גדי على تطبيق "وييز" , المحمية موجودة بشارع 90 . أول ما توصلوا للمحمية في موقف سيارات وطاولات تحت عريشة , مراحيض , دكان . ساعات الإستقبال؟ (أيام الأحد حتى الخميس والسبت) من الساعة الثامنة صباحًا حتى الخامسة مساءً (بالتوقيت الصيفي – بالتوقيت الشتوي أقل بساعة ) يوم الجمعة : من الثامنة صباحا حتى الثالثة عصرًا . قديش مندفع على الفوته ؟ 28 شيكل للبالغ (للأطفال وطلاب الجامعات سعر أرخص إستفسروا بالإستقبال) شو لازم نجيب معنا؟ وجبة أكل ( بتوكلوا على الطاولات اللي بالموقف لأنه ممنوع إدخال الأكل للمحمية) فواكه (مسموح تفوّتوها على المحمية , ويفضل انه يكون معكم لأنه المسار بده طاقة) 4 لتر مي لكل شخص * مهم جدًا* المنطقة معروفة بدرجة الحرارة العالية والمسار بتطلب بذل جهد . -كريم واقي من الشمس قبعة -حذاء ملائم ( بعض المقاطع الصخر مالس جدًا بالإضافة لإمكانية السباحة) طيب شو راح نشوف بالمحمية ؟ المحمية جدًا جميلة وفيها أكثر من 3 شلالات ومغارة وبرك ميّ بتجنن !! يعني بنفع نسبح؟ أكيد على طول المسار ممكن تقعدوا تحت الشلالات – ما عدا الشلال الكبير- والمغارة والبرك مسموح السباحة فيهن . قديش طول المسار؟ ملائم للعائلات والأطفال ؟ بمحمية عين جدي في أكثر من امكانية للمسارات , إحنا اخترنا 3 شلالات سهلات نسبيا وملائمات جدًا للعائلات وبتقدروا تقعدوا بالمي والقسم الثاني ( المغارة والبرك) بده تحدّي وإنتباه من الصخور من خطر الإنزلاق . طول المسار ما يقارب ال5 كم , الشلالات الثلاثة مع المغارة بعض المقاطع تتطلب جهد . #مسار #تعرف_على_بلادك #طبيعة_بلادنا #عين_جدي #وادي_السدر #البحر_الميت