«Վերնատուն». ԱԲ-ն չի կարող պարտադրել իր գեներացիան, երբ հստակ գիտես՝ ինչ ես ուզում. Սերգեյ Ումրոյան скачать в хорошем качестве

«Վերնատուն». ԱԲ-ն չի կարող պարտադրել իր գեներացիան, երբ հստակ գիտես՝ ինչ ես ուզում. Սերգեյ Ումրոյան

Մեր օրերում ժամանակակից երաժշտությունը վաղուց արդեն չունի ժանրային սահմանափակումներ։ Դասական գործիքները համագործակցում են ալգորիթմների հետ, իսկ «արհեստականը» ձգտում է լինել բնությունից ավելի բնական։ Ի՞նչ է առաջարկում ժամանակակից երաժշտությունը, տեխնոլոգիան սպանում, թե՞ ազատագրում է արվեստը սահմանափակումներից։ Այս հարցերի շուրջ ենք զրուցում կոմպոզիտոր, երաժշտական պրոդյուսեր Սերգեյ Ումրոյանի հետ։  Արհեստական բանականության տեխնոլոգիաներն անխուսափելի են մեր ժամանակներում։ ԱԲ-ին ես վերաբերվում եմ որպես գործիքի՝ մի շատ հետաքրքիր միջոցի, որը պայքար է «ստեղծում» քո պատկերացումների ու իր առաջարկի միջև։ Երբ դու հստակ գիտես, թե ինչ ես ուզում անել, արհեստական բանականությունը չի կարող իր գեներացիան քեզ պարտադրել։ Իմ կյանքում հիմա մի շրջան է, երբ փորձում եմ ամեն ինչ՝ տարբեր գործիքներ, ժանրեր, մոտեցումներ ու համագործակցություններ։ Գուցե ռեփ երաժշտի հետ իմ աշխատանքը ակադեմիական ունկնդրի համար դիտվի որպես կոմերցիոն, սակայն ես ունեմ տարբերակված մոտեցում և ստեղծագործական ճանապարհս բաժանել եմ երկու մասի. Սերգեյ Ումրոյան, որը ներկայացնում է կոմպոզիտորական երաժշտությունը՝ ակադեմիական գործերը, բալետը և այլն և «Ուրմիան», որն առանձին նախագիծ է և որտեղ թողարկում եմ իմ էլեկտրոնային երաժշտությունը։ Սերգեյ Ումրոյանն ավելի շատ հետազոտող ստեղծագործող է. ակադեմիական դաշտն ինձ հարստացնելու տարածություն է՝ իր երաժշտական ընկալումներով ու գիտելիքներով, իսկ «Ուրմիան» ավելի հասանելի է ունկնդրին, քանի որ նախատեսված է լայն լսարանի համար։ Արհեստական բանականությունը դաշտից դուրս կմղի բոլոր սիրողական երաժիշտներին և այն մարդկանց, ովքեր երաժշտություն են գրում ուղղակի գրելու համար կամ սեփական ուժերին չհավատալով։ ԱԲ-ն չի կարող փոխարինել այն հեղինակներին, ովքեր ունեն բավականաչափ կրթություն, ճաշակ ու մոտեցումներ, ինչն անընդհատ զարգացող պրոցես է։