ALKATIRI HUSU BA XANANA ATU UKUN HAMUTUK‼️ скачать в хорошем качестве

ALKATIRI HUSU BA XANANA ATU UKUN HAMUTUK‼️

"Ha'u aprezenta hau nia opiniaun ho situasaun ida susar iha ita-nia rain agora ita hasoru dadauk, presiza duni ita atu hanoin hamutuk, atu halo nusa para ita bele la'o hamutuk parseria politika, lideransa konfisoens relijioso liuliu Igreja Katólika. pelo menos haree naroman iha oin labele nafatin iha nakukun nia laran. uluk kedas Dom Basilio nia tempu hau mak husu Dom Basilio atu hahu procesu idą Maubisse I no Maubisse II i depois dada tiha, tanba sempre problema maka ne'e entre ami liders que atu sai besi tua hotu ona, ami seidauk fo fiar malu, ami sei deskonfia malu ami seidauk hanoin hanesan. mais uluk tanba ami hotu iha inimigu ida komum ami konsege tur hamutuk, ami konsege luta hamutuk ho apoiu tomak igreja katólika konsege duni lori independensia mai Timor-Leste e mai restaura independensia. agora ita lori independensia lori mos ho demokrasia mai, demokrasia nia funsaun ne'e atu sai pozetiva para ema bele Hanoin bele organija-an ho liberdade no liberdade bele fó kontribuisaun tanba inimigu laiha ona, Maibe parese que ita la komprende kona-ba ida ne'e, tenta hanoin katak ho demokrasia ne'e konsege duni alia ba alia mai hetan maioria iha parlamentu entaun ita nia maioria ne'e mak demokrasi ona, Maibe loloos demokrasia lao diak iha politika ida intendimentu, politika ida inkluzaun nasional e liuliu polítika ida atu haree fila fali kauza ne'e saida ba ita hotu, atu ita bele hetan naroman ba aban bainrua. -------------------- -------------------- ......Ita lori liberdade ita lori demokrasia mais ita haluha tiha kauza komum, kauza komum ne'e atu kore povu husi mukit no kiak ida ne'e ita haluha tiha, entaun ita buka inventa inimité foun, inimigu mak se loos, envez ema ida deit mak ita la gosta maibe ita contra ema hotu-hotu. .....Ami ne'e iha tinan lima tan, bele moris tan tinan 20 ka 30 tan, mais ativu tinan lima tan para kria kondisaun atu prepara lideransa foun atu moris, se tinan 5 ne'e ami na'in lima ka na'in neen ne'e la konsege iha intendimentu, aban bainrua hau hanoin diabu deit sei la simu." Bidau-Lecidere, Câmara Eclesiática Arquidiocese Metropolitana de Dili, 19 Novembro 2025 #mehitv