රටපුරා කොල්ල කෑ 6 ක් අත්අඩංගුවට скачать в хорошем качестве

රටපුරා කොල්ල කෑ 6 ක් අත්අඩංගුවට

නිවාස වලට ඇතුළු වී තියුණු ආයුධ පෙන්වා බියගන්වා මුදල් සහ දේපළ කොල්ලකෑ 7 දෙනෙකුගෙන් යුත් කල්ලියක 6 දෙනෙකු අත්අඩංගුවට ගෙන තිබෙනවා. මිරිහාන විශේෂ අපරාධ මෙහෙයුම් ඒකකය විසින් සැකකරුවන් අත්අඩංගුවට ගෙන තිබූ අතර ඔවුන් දිවයින පුරා ස්ථාන රැුසක කොල්ලකෑම් සිදුකර ඇති බවටයි අනාවරණය වී ඇත්තේ. කුලී පදනම මත ලබාගත් සුඛෝපභෝගී වාහන වලින් ගොස් නිවාස වලට ඇතුළු වී තියුණු ආයුධ පෙන්වා බිය ගන්වා මුදල් සහ දේපළ සොරා ගැනීමේ සිද්ධීන් රැසක් දිවයිනේ ස්ථාන කිහිපයකින් වාර්තා වුණා. ඒ අනුව 7 දෙනෙකුගෙන් යුත් මෙම කල්ලියේ 6 දෙනෙකු අත්අඩංගුවට ගෙන ඇත්තේ මිරිහාන විශේෂ අපරාධ මෙහෙයුම් ඒකකයේ ස්ථානාධිපති ජයන්ත පෙරේරා මහතා ඇතුළු කණ්ඩායමක් විසින්. කොල්ලකරුවන් තලංගම, කහතුඩුව, මුල්ලේරියාව, බලංගොඩ, දෙහිවල, කටාන, කිරිබත්ගොඩ ඇතුළු ප‍්‍රදේශ කිහිපයක නිවෙස් කොල්ලකෑම් සිදුකර තිබුණා. සැකකරුවන් 6 දෙනෙකු අත්අඩංගුවට ගෙන ඇත්තේ මාලඹේ සහ රාවතාවත්ත ප‍්‍රදේශවල සැගවී සිටියදීයි. ඒ අතර මිනීමැරුම් සහ කොල්ලකෑම් වලට සම්බන්ධ අධිකරණයේ නඩු පවතින සැකකරුවන් තිදෙනෙකු ද වනවා. එම කල්ලිය අතර රාගම ප‍්‍රදේශයේ ප‍්‍රසිද්ධ ව්‍යාපාරිකයෙකුගේ ඥාතියෙකුද සිටින බව පොලීසිය සඳහන් කළා. කොල්ලකෑම් සඳහා යොදා ගත් ජීප් රථයක්, කුලියට ගත් මෝටර් රථයක් සහ තියුණු ආයුධ ද පොලිස් භාරයට ගෙන තිබෙනවා. සැකකරුවන් සතුව තිබී ජංගම දුරකථන, රූපවාහිනී, අත්ඔරලෝසු, රන් භාණ්ඩ ඇතුලූ භාණ්ඩ රැසක් ද සොයා ගැණුනා. ඉහළ මිල ගණන් යටතේ අලෙවි කරන පරෙවියන් 60 දෙනෙකු ද මෙම කොල්ලකරුවන් විසින් සොයා ගෙන ගොස් තිබෙනවා. සිද්ධියට සම්බන්ධ සැකකරුවන් අද කැස්බෑව මහේස්ත‍්‍රාත් අධිකරණයට ඉදිරිපත් කිරීමට නියමිතයි.