Kokborok Kothomayung CHETHUANG скачать в хорошем качестве

Kokborok Kothomayung CHETHUANG

swikwrwng Sudhanwa Debbarmani yaktwi puila Kokborok bai Kothomayung swijakna chengkha. Abo wngkha Chethuang. Obose puila KOkborokbai swijakmani Kothomayung, phiya puila sapogwi karijakma Kothomayung bijab hinkhe Hachuk Khurio(1987). Chethuang kothomayungno swinai baithangbaino komthingjak Kwtal kothoma mungwi kokrwbai bwlaio(1954-56 bisi) lamtirwgwi sapogwi karijakkha. Kwtal kothoma kokrwbai bwlaio swiwi karijakmarog tabukni jora khoroksani yagophano manliya, aboni bagwi ajorani swimungrog tei swijak bwkhakrog kwmawi thangbaikha, mokol bwskango nugi manliya. Jeswk saimanma jora o kothomayungno tei waisa yakbai swijakphirkha. O kothomayungno twiwi luku bosongo sajagwi tongma kothoma huijagwi tongo. Sana thangkhe Chethuang kothomayungni kothoma wngkha obohai, bwta bai hanokno kainano twiwi swijakkha. Bura Dingnag busuk Kormotini bagwi nogo chamari tisayawi phan-seng gwnang chwla chongwi kainani chongkha. Abono rwgwi puila potolokmung Khongrog sukurubthani khoroksa siklaphano Khongrongno sukurubwi manliya. Aboni  bagwi Bura Dinang tei dolsa sikla potolokmung khwlaina hinwi chongma joraono chobani ringmung phaiwi sokphaikha. Abono bagwi Kormotini bagwi Khogrogn sukurupmung mwthakjagwi thangkhe tei chobao mathangbaikha Nugurai, Pengchododoro, Gomang, Sikhirai kothomao tongnai siklarog jotono mathangbaikha. Kothomayunngi kokno rwgwi naikhe, Sengthungpha kirijagwi chobao ongkhorya hinwi kha chongwi tongmani, abotwi jora bubgrajwk eba isiri sak baithang chobao thangna hinwi panjikha. Bubagrajwkno kha kwrak panjimungno nugui bubagra sengthungphabo chobao ongkhorjakha. Chobaobo Sengthungphano paiwi kwpwlai wngwi phirokkha.