“Fan javohirlari” olimpiadasi: USAT’da ingliz tili va matematikadan imtihonlar o’tkazildi скачать в хорошем качестве

“Fan javohirlari” olimpiadasi: USAT’da ingliz tili va matematikadan imtihonlar o’tkazildi

Kecha, 6-iyul kuni University of Science and Technologies’da “Fan javohirlari” loyihasi doirasida ingliz tili va matematika fanlaridan olimpiada imtihonlarining ikkinchi bosqichi bo’lib o’tdi. Unda umumiy hisobda 67 nafar o’quvchi ishtirok etdi. Ikki soat davom etgan hayajonli daqiqalardan so’ng barcha ishtirokchilarning natijalari e’lon qilindi. Unga ko’ra, ushbu ikki yo’nalish bo’yicha eng yuqori ko’rsatkichlarga erishgan olti nafar o’quvchi University of Science and Technologies’ga to’liq grant asosida o‘qishga qabul qilindi. Jumladan, ingliz tili fanidan Shavkatov Muhammadjon Shuxrat o’g’li 94,8 ball bilan 1-o’rinni, Suratova Madina Sanjar qizi 85 ball bilan 2-o’rinni va Jabborova Roziyabibi Juraxon qizi 84,4 ball bilan 3-o’rinni qo’lga kiritdi. Matematika fanidan Husenov Mirshod Rajab o’g’li 95 ball bilan 1-o’rinni, Mavlonova Sevinch Anvarjon qizi 73,75 ball bilan 2-o’rinni va Baxriddinova Rayhona Boxodir qizi 71,25 ball bilan 3-o’rinni egallashga muvaffaq bo’ldi. Ularning har biri tegishli diplom bilan taqdirlandi. Shu bilan birga, olimpiadada ishtirok etib, 4-o’rinni qo’lga kiritgan o’quvchilarga 15 mln so’mlik, 5-o’rinni qo’lga kiritganlarga 12 mln so’mlik va 6-o’rinni qo’lga kiritganlarga 10 mln so’mlik, 7 dan 10 gacha bo’lgan o’rinlarda joylashgan o’quvchilarga 3 mln so’mlik hamda qolgan ishtirokchilarga 1 mln so’mlik vaucherlar berildi. *** University of Science and Technologies (USAT) - Fan va Texnologiyalar universiteti - sifatli ta’lim, individual yondashuv va rivojlanish uchun keng imkoniyatlar taklif qiladigan Toshkentdagi universitet.